ខេត្តរតនគិរី ៖ យុវជនម្នាក់ធ្វើអត្តឃាតបញ្ចប់ជីវិតខ្លួនឯងនៅវ័យក្មេងក្នុងផ្ទះជួលមួយកន្លែង ។ ហេតុការណ៍ភ្ញាក់ផ្អើលនេះ បានកើតឡើងនៅវេលាម៉ោង១២និង៤៥នាទីរសៀល ថ្ងៃទី២១ ខែវិច្ឆិកា ឆ្នាំ២០១៧ នៅចំណុចផ្ទះជួលឈ្មោះ…
ខេត្តរតនគិរី ៖ យុវជនម្នាក់ធ្វើអត្តឃាតបញ្ចប់ជីវិតខ្លួនឯងនៅវ័យក្មេងក្នុងផ្ទះជួលមួយកន្លែង ។ ហេតុការណ៍ភ្ញាក់ផ្អើលនេះ បានកើតឡើងនៅវេលាម៉ោង១២និង៤៥នាទីរសៀល ថ្ងៃទី២១ ខែវិច្ឆិកា ឆ្នាំ២០១៧ នៅចំណុចផ្ទះជួលឈ្មោះ ញ៉ា ស្ថិតនៅក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ។
អធិការរងទទួលបន្ទុកព្រហ្មទណ្ឌ លោក តេង សាវុធ បានឲ្យដឹងតាមទូរស័ព្ទ នៅថ្ងៃទី២២ ខែវិច្ឆិកា ឆ្នាំ២០១៧ នេះថា ជនរងគ្រោះឈ្មោះ ទីង យ៉ាយ ភេទប្រុស អាយុ២៧ឆ្នាំ ជនជាតិភាគតិចទំពួន មុខរបរឈូសឈើ មានទីលំនៅភូមិទុយ ឃុំទីងចាក់ ស្រុកបកែវ ខេត្តរតនគិរី ។ លោកថា ជនរងគ្រោះយកខ្សែអង្រឹងចង.កជាប់នឹងមេដំបូលផ្ទះ ស្លាប់ដោយមិនដឹងពីមូលហេតុ ។
ក្រោយពីកើតហេតុ នគរបាលការិយាល័យបច្ចេកទេសវិទ្យាសាស្ត្រ នៃស្នងការដ្ឋាននគរបាលខេត្ត បានចុះទៅធ្វើពិនិត្យឃើញថា ជនរងគ្រោះពិតជាធ្វើអត្តឃាតខ្លួនឯង ពិតប្រាកដមែន មិនមែនជារឿងឃាតកម្មឡើយ ។ ក្រោយពីធ្វើពិនិត្យរួចមក សមត្ថកិច្ចបានប្រគល់សាកសពជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ