ខេត្តកំពង់ស្ណឺ ៖ បុរសម្នាក់បានស្លាប់មួយរំពេចខណៈជិះម៉ូតូលឿនដូចព្យុះទៅបុកឡាន ចំពីមុខពេញទំហឹង ជនរងគ្រោះត្រូវបានសមត្ថកិច្ចដាក់ការសង្ស័យថា អាចស្រវឹងស្រាទើបបាត់បង់ម្ចាស់ការក្នុងការបើក រហូតជួបគ្រោះអកុសលបែបនេះ ។ ហេតុការណ៍គ្រោះថ្នាក់នេះកើតឡើងកាលពីវេលាម៉ោង១៨និង២៩នាទីថ្ងៃទី២១ ខែវិច្ឆិកា…
ខេត្តកំពង់ស្ណឺ ៖ បុរសម្នាក់បានស្លាប់មួយរំពេចខណៈជិះម៉ូតូលឿនដូចព្យុះទៅបុកឡាន ចំពីមុខពេញទំហឹង ជនរងគ្រោះត្រូវបានសមត្ថកិច្ចដាក់ការសង្ស័យថា អាចស្រវឹងស្រាទើបបាត់បង់ម្ចាស់ការក្នុងការបើក រហូតជួបគ្រោះអកុសលបែបនេះ ។ ហេតុការណ៍គ្រោះថ្នាក់នេះកើតឡើងកាលពីវេលាម៉ោង១៨និង២៩នាទីថ្ងៃទី២១ ខែវិច្ឆិកា ឆ្នាំ២០១៧ ផ្លូវលេខ៤១ ភូមិខ្លែងពណ៌ជើង ឃុំព្រៃញាតិ ស្រុកគងពិសី ខេត្តកំពង់ស្ណឺ ។
ជនរងគ្រោះឈ្មោះសៅ មុំ អាយុ២៧ឆ្នាំ ជិះម៉ូតូ C១២៥ ស៊េរី២០១៧ ពណ៌ខ្មៅ ស្លាកលេខ កំពង់ស្ពឺ១G-៧៥២៩រស់នៅភូមិអូរពង្រ ឃុំស្រង់ ស្រុកគងពិសី ខេត្តកំពង់ស្ពឺ ។
ភាគីម្ចាស់រថយន្តមិនស្គាល់អត្តសញ្ញាណ រីឯរថយន្ត ពណ៌ខៀវ ស្លាកលេខ ភ្នំពេញ២AK-០០១៣ ។
សមត្ថកិច្ចស្រង់សំដីសាក្សីឲ្យដឹងថា មុនពេលកើតហេតុគេបានឃើញបុរសរងគ្រោះជិះម៉ូតូម្នាក់ឯង បើកបរពីទិសខាងជើងទៅទិសខាងត្បូងដល់ចំណុចខាងលើបានរេចង្កូតមកខាងឆ្វេងដៃ ហើយបុករថយន្តខាងលើតែម្តង ដែលបើកបញ្ច្រាសទិសគ្នាយ៉ាងពេញទំហឹង បណ្តាលឲ្យស្លាប់ភ្លាមមួយរំពេច រីឯអ្នកអ្នកបើកឃើញមានមនុស្សស្លាប់ក៏ចុះពីលើរថយន្តហើយរត់គេចខ្លួនបាត់តែម្តង ។
សមត្ថកិច្ចធ្វើកំណត់ហេតុវាស់វែង និងប្រគល់សពឲ្យក្រុមគ្រួសារទទួលយកទៅធ្វើបុណ្យ ចំណែកវត្ថុតាងម៉ូតូ និងរថយន្តសមត្ថកិច្ចរក្សាទុកនៅអធិការដ្ឋាននគរបាលស្រុកគងពិសីរង់ចាំឲ្យចាស់រថយន្តចូលខ្លួនមកដោះស្រាយជាមួយភាគីអ្នកស្លាប់តាមនីតិវិធីច្បាប់ ៕
ចែករំលែកព័តមាននេះ