រាជធានីភ្នំពេញ ៖ សង្ស័យងងុយដេកបើករថយន្តក្រុងប្រភេទ៤៥មួយគ្រឿងបោះពួយយ៉ាងលឿនដូចហោះរេចង្កូតទៅបុកគូទរថយន្តស៊ីនទ្រីមួយគ្រឿងទៀតដែលឈប់ចតយកសំរាមនៅលើចិញ្ចើមផ្លូវចំពីក្រោយពេញទំហឹង បង្កឱ្យមានការភ្ញាក់ផ្អើលឡើងកាលពីវេលាម៉ោង១០និង៥០នាទីយប់ ថ្ងៃទី២១ ខែវិច្ឆិកា ឆ្នាំ២០១៧ ត្រង់ចំណុចខាងមុខផ្សារទំនប់ តាមបណ្តោយផ្លូវ៥៩៨ ស្ថិតក្នុងសង្កាត់ទួលសង្កែ…
រាជធានីភ្នំពេញ ៖ សង្ស័យងងុយដេកបើករថយន្តក្រុងប្រភេទ៤៥មួយគ្រឿងបោះពួយយ៉ាងលឿនដូចហោះរេចង្កូតទៅបុកគូទរថយន្តស៊ីនទ្រីមួយគ្រឿងទៀតដែលឈប់ចតយកសំរាមនៅលើចិញ្ចើមផ្លូវចំពីក្រោយពេញទំហឹង បង្កឱ្យមានការភ្ញាក់ផ្អើលឡើងកាលពីវេលាម៉ោង១០និង៥០នាទីយប់ ថ្ងៃទី២១ ខែវិច្ឆិកា ឆ្នាំ២០១៧ ត្រង់ចំណុចខាងមុខផ្សារទំនប់ តាមបណ្តោយផ្លូវ៥៩៨ ស្ថិតក្នុងសង្កាត់ទួលសង្កែ ខណ្ឌឬស្សីកែវ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តក្រុងមួយគ្រឿងម៉ាកហ៊ីយ៉ាន់ដាយ ពណ៌សលាយក្រហម ពាក់ស្លាក់លេខ ភ្នំពេញ ៣B-៦៩៧៦ជាប្រភេទរថយន្ត៤៥កៅអីរបស់ក្រុមហ៊ុន ខេអេសអវី ដឹកអ្នកដំណើរ បើកបរដោយបុរសម្នាក់និងអ្នកដំណើរប្រុសស្រីជាច្រើននាក់ទៀតរួមដំណើរជាមួយ ចេញដំណើរមកពីខេត្តបន្ទាយមានជ័យបំណងចូលក្រុងភ្នំពេញ ដោយធ្វើដំណើរតាមបណ្តោយផ្លូវ៥៩៨ទិសដៅពីជើងទៅត្បូង និងក្នុងល្បឿនយ៉ាងលឿន ។
លុះមកដល់ចំណុចកើតហេតុសង្ស័យអ្នកបើកបររថយន្តងងុយដេកងោកមួយភាំងក៏រេចង្កូតទៅខាងស្តាំទៅបុកគូទរថយន្តដឹកសំរាមមួយគ្រឿង ពណ៌លឿង ជារបស់ក្រុមហ៊ុនស៊ីនទ្រី ដែលកំពុងឈប់ចតនៅលើចិញ្ចើមផ្លូវដើម្បីឱ្យកម្មករប្រមូលសំរាមបណ្តាលឲ្យរថយន្តរុលទៅមុខជាង១០ម៉ែត្ររងការខូចខាតចំហៀងខាងឆ្វេង ចំណែកឯរថយន្តបង្ករងការខូចខាតក្រពឹតផ្នែកខាងមុខចំហៀងខាងស្តាំយ៉ាងដំណំ ភ្លាមៗនោះអ្នកបើកបររថយន្តក្រុងបានចុះរត់គេចខ្លួនបាត់ស្រមោលបន្សល់ទុកតែរថយន្ត និងអ្នកដំណើរប្រសេកប្រសាចពេញរថយន្ត និងបង្កឲ្យមានអ្នកដំណើរម្នាក់រងរបួសស្រាល ។ ក្រោយកើតហេតុក៏ឃើញមានតំណាងភាគីខាងរថយន្តបង្កចេញមុខមកដោះស្រាយដោយព្រមយករថយន្តរងគ្រោះទៅជួសជុលឱ្យដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ