ខេត្តកំពង់ចាម ៖ លោកគួច ចំរើន អភិបាលនៃគណៈអភិបាលខេត្តបានចាត់ឲ្យកងកម្លាំងនគរបាលចរា ចរណ៍ចុះផាកពិន័យ និងពង្រឹងច្បាប់ចរាចរណ៏ផ្លូវគោកតាមភ្លើងស្តុបក្នុងក្រុងកំពង់ចាម ដែលមាន ចំនួន០៤កន្លែង ។…
ខេត្តកំពង់ចាម ៖ លោកគួច ចំរើន អភិបាលនៃគណៈអភិបាលខេត្តបានចាត់ឲ្យកងកម្លាំងនគរបាលចរា ចរណ៍ចុះផាកពិន័យ និងពង្រឹងច្បាប់ចរាចរណ៏ផ្លូវគោកតាមភ្លើងស្តុបក្នុងក្រុងកំពង់ចាម ដែលមាន
ចំនួន០៤កន្លែង ។ ក្រោយពីឃើញគ្រោះថ្នាក់ចរាចរណ៍បន្តបន្ទាប់បណ្តាលឲ្យមនុស្សស្លាប់ និងរបួសមក ដើម្បីបញ្ជាសគ្រោះថ្នាក់នេះអ្នកបើកបរម៉ូតូ ត្រូវពាក់មួកសុវត្ថិភាព និងដាក់កញ្ចក់។
លោកវរសេនីយ៍ត្រី ស៊ាម យូសេង អធិការរងនគរបាលក្រុងកំពង់ចាម ទទួលផែនសណ្តាប់ធ្នាប់ប្រាប់
ឲ្យដឹងនៅព្រឹកថ្ងៃទី២១ វិច្ឆិកានេះថា ក្នុងពេលដែលក្រុងកំពង់ចាម មិនទាន់មានការអភិវឌ្ឈន៍មនុ
ស្សមា្នរមិនសូវមានប៉ុន្មាននោះទេ ហើយដោយសារកំណើនប្រជាពលរដ្ឋកាន់តែមានការកើនឡើងនោះអភិបាលខេត្តកំពង់ចាម លោក លន់ លឹមថៃ បានរៀបចំដាក់ភ្លើងស្តុបចំនួន០៥កន្លែង ដើម្បីសំ
រួលចរាចរណ៍កុំឲ្យមានភាពកកស្ទះ និងបន្ថយគ្រោះថ្នាក់ដែលកើតឡើងដោយយថាហេតុ ។ លោក ប្រាប់បន្តថា ភ្លើងស្តុបទាំងនោះទី១- ស្តុបនៅភូមិមេមាយ ទី២- ស្តុបនៅកែងសាលាដំបូងខេត្ត ទី៣- ស្តុបនៅផ្សារញែ ទី៤- ស្តុបក្បែរផ្ទះតាហូវ និងទី៥- ស្តុបលំហែរក្នុងពេលដែលបានដាក់លើកដំបូងៗ ។
ក្រោយមកទៀតដោយសារតែស្តុបនៅភូមិមេមាយមិនអំណោយផល ត្រូវបានដកចេញវិញនៅសល់តែ០៤កន្លែង ។
លោកបញ្ជាក់ថា ដោយគ្រោះថ្នាក់ចរាចរណ៍ញឹកញាប់ពេកគ្រាន់ពីរ២យប់សោះ មានមនុស្សស្លាប់បន្តបន្ទាប់នៅលើស្ពានគីហ្ស៊ុណា និងនៅសង្កាត់សំបួរមាស ក្រុងកំពង់ចាម បណ្តាលឲ្យស្លាប់២នាក់ របួស២នាក់ ។
លោកគួច ចំរើន អភិបាលខេត្តចាត់ឲ្យលោកឧត្តមសេនីយ៍ ស្នងការនគរបាលខេត្តចុះផាកពិន័យតាមភ្លើងស្តុបក្នុងក្រុងកំពង់ចាម ដើម្បីឲ្យធ្វើយ៉ាងណាឲ្យពលរដ្ឋកាត់បន្ថយអត្រាស្លាប់ឲ្យទាប យ៉ាងណាមិញគ្រោះថ្នាក់ដែលស្លាប់ ភាគច្រើនមកពីកត្តជិះម៉ូតូមិនពាក់មួកសុវត្ថិភាព និងបើកលឿន ៕
ចែករំលែកព័តមាននេះ