រាជធានីភ្នំពេញ៖ អតីតបុគ្គលិកវិទ្យអាស៊ីសេរី ២ រូបគឺលោក សុខ រដ្ឋា និងលោកស្រី អ៊ុក សាវបូរី ដែលជាអតីតអ្នករាយការណ៍ព័ត៌មានឱ្យវិទ្យុអាស៊ីសេរី (RFA) ប្រចាំនៅប្រទេសកម្ពុជាបានថ្លែងនៅឯសន្និសីទកាសែតមួយនៅថ្ងៃទី ២២ វិច្ឆិកា ទាមទារឱ្យស្ថាប័នវិទ្យុអាស៊ីសេរី ផ្តល់ «ប្រាក់អត្ថប្រយោជន៍ការងារ» ក្រោយពេលវិទ្យុអាស៊ីសេរីប្រកាសបិទ ការិយាល័យនៅភ្នំពេញកាលពីថ្ងៃ ១២ កញ្ញា ២០១៧។
លោកក សុខ រដ្ឋា បានសរសេរលិខិតមួយច្បាប់ទៅលោកឯកអគ្គរដ្ឋទូតអាមេរិកប្រចាំនៅទីក្រុងភ្នំពេញ សុំអន្តរាគមន៍ដល់ក្រុមប្រឹក្សាភិបាលការផ្សាយវិទ្យុអាស៊ីសេរីដែលមានមូលដ្ឋាននៅទីក្រុងវ៉ាស៊ីតោននៃសហរដ្ឋអាមេរិក ដើម្បីទូទាត់ប្រាក់អត្ថប្រយោជន៍ក្រោយពេលដែលវិទ្យុអាស៊ីសេរីបានប្រកាសបិទការិយាល័យនៅក្នុងរាជធានីភ្នំពេញ។
យោងតាមលិខិតរបស់អតីតបុគ្គលិកអាស៊ីសេរីបានលើកឡើងថា កាលពីថ្ងៃទី១២ កញ្ញាឆ្នាំ២០១៧ លោក សម ប៉ូលី អ្នកគ្រប់គ្រងវិទ្យុអាស៊ីសេរីការផ្សាយជាភាសាខ្មែរ បានប្រកាសប្រាប់អ្នករាយការណ៍ព័ត៌មាននៅតាមបណ្តាខេត្ត និងបុគ្គលិកនៅរាជធានីភ្នំពេញថា ក្រុមប្រឹក្សាភិបាលការផ្សាយវិទ្យុអាស៊ីសេរីបានសម្រេចបិទការិយាល័យនៅភ្នំពេញ ដោយបញ្ចប់ការងារទាំងអស់នៅព្រះរាជាណាចក្រកម្ពុជា។
លោកបានលើកឡើងថា សាជីវកម្មវិទ្យុអាស៊ីសេរីសន្យាទូទាត់ និងផ្តល់អត្ថប្រយោន៍ការងារស្របតាមច្បាប់ការងារនៃព្រះរាជាណាចក្រកម្ពុជា ក្នុងលោកត្រូវបានទទួលប្រាក់សរុប២៨.០០០ដុល្លារអាមេរិក៕
ចែករំលែកព័តមាននេះ