ខេត្តបន្ទាយមានជ័យ ៖ ជនជាតិកូរ៉េបើករថយន្តបុកអ្នកជិះម៉ូតូ បណ្ដាលឲ្យរងរបួស ហើយបានបើករត់ទៅបុកអ្នកជិះម៉ូតូម្នាក់ទៀត បណ្ដាលឲ្យរងរបួសធ្ងន់ ដែលកើតឡើងនៅវេលាម៉ោង០៩និង៤០នាទីយប់ ថ្ងៃទី១៩ ខែវិច្ឆិកា ឆ្នាំ២០១៧…
ខេត្តបន្ទាយមានជ័យ ៖ ជនជាតិកូរ៉េបើករថយន្តបុកអ្នកជិះម៉ូតូ បណ្ដាលឲ្យរងរបួស ហើយបានបើករត់ទៅបុកអ្នកជិះម៉ូតូម្នាក់ទៀត បណ្ដាលឲ្យរងរបួសធ្ងន់ ដែលកើតឡើងនៅវេលាម៉ោង០៩និង៤០នាទីយប់ ថ្ងៃទី១៩ ខែវិច្ឆិកា ឆ្នាំ២០១៧ នៅចំណុចមុខកាស៊ីណូផ្កាយប្រាំ ស្ថិតភូមិក្បាលស្ពានមួយ សង្កាត់ប៉ោយប៉ែត ក្រុងប៉ោយប៉ែត ។
ជនរងគ្រោះដែលត្រូវរថយន្តបុកបណ្ដាលរបួសធ្ងន់ស្រាល២នាក់មាន ១.ឈ្មោះ ដង់ ស៊ីដាដេត ភេទស្រី អាយុ៤៦ឆ្នាំ (របួសធ្ងន់) ២.ឈ្មោះ រឿង រដ្ឋី ភេទប្រុស អាយុ៣៣ឆ្នាំ (របួសធ្ងន់) ជនរងគ្រោះទាំង២នាក់រស់នៅភូមិភូមិក្បាលស្ពានមួយ សង្កាត់ប៉ោយប៉ែត ក្រុងប៉ោយប៉ែត ។
អ្នកឃើញហេតុការបានប្រាប់ថា ៖ នៅពេលគ្រោះថ្នាក់ចរាចរកើតឡើង គឺមានរថយន្ត១គ្រឿងម៉ាក់ PRIUS ពណ៌ស គ្មានពាក់ស្លាកលេខ បានបើកបរដោយឈ្មោះ SONG HOJUN ភេទប្រុស អយុ៤៦ឆ្នាំ (ជាជនជាតិកូរ៉េ) បានបើកក្នុងល្បឿនលឿនទៅបុកម៉ូតូម៉ាក់ Click គ្មានស្លាកលេខ ដែលបើកបរដោយឈ្មោះ ដង់ ស៊ីដាដេត បណ្តាលរបួសធ្ងន់ ហើយបានបើករថយន្តគេចក្នុងល្បឿនលឿន បណ្ដាលបុកម៉ូតូហុងដាឌ្រីម ពាក់ស្លាកលេខ បាត់ដំបង ១R-៥៤៤៩ ដែលបើកបរឈ្មោះ រឿង រដ្ឋី បណ្ដាលរបួសធ្ងន់ ត្រូវបានសង្គ្រោះបន្ទាន់ ។
ក្រោយពេលគ្រោះថ្នាក់ចរាចរកើតឡើង ឃើញមន្ត្រីនគរបាលាចរាចរណ៍ក្រុងប៉ោយប៉ែតចុះពិនិត្យវាស់វែង ហើយបានឲ្យដឹងគឺគ្រោះថ្នាក់ចរាចរកើតឡើងបង្កឡើងដោយជនជាតិកូរ៉េបើកបរល្បឿនលឿន ហើយគ្មានការប្រុងប្រយ័ត្ន ទើបបណ្ដាលបុកអ្នកជិះម៉ូតូ ហើយព្យាយាមបើកគេចទៅបុកម៉ូតូ១គ្រឿងទៀត បណ្ដាលរបួសធ្ងន់ស្រាល២នាក់ ចំណែករថយន្ត និងអ្នកបើកបរដែលបង្ក និងម៉ូតូជនរងគ្រោះត្រូវបានយកមករក្សាទុកអធិការដ្ឋាននគរបាលក្រុងប៉ោយប៉ែត អនុវត្តតាមច្បាប់ ៕
ចែករំលែកព័តមាននេះ