រាជធានីភ្នំពេញ៖ ថ្នាក់ដឹកនាំក្រសួងបរិស្ថានបានឱ្យដឹងថា អគ្គនាយកដ្ឋានថ្មីមួយមានឈ្មោះថា «អគ្គនាយកដ្ឋានសហគមន៍មូលដ្ឋាន» ដែលត្រូវបានបង្កើតឡើងចំណុះឱ្យក្រសួងបរិស្ថាន ក្នុងគោលបំណងបង្កើនការចូលរួមការការពារ អភិរក្សធនធានធម្មជាតិ និងបេតិកភណ្ឌ និងលើកកម្ពស់ជីវរស់នៅរបស់ប្រជាសហគមន៍មូលដ្ឋាន ដែលរស់នៅក្នុង…
រាជធានីភ្នំពេញ៖ ថ្នាក់ដឹកនាំក្រសួងបរិស្ថានបានឱ្យដឹងថា អគ្គនាយកដ្ឋានថ្មីមួយមានឈ្មោះថា «អគ្គនាយកដ្ឋានសហគមន៍មូលដ្ឋាន» ដែលត្រូវបានបង្កើតឡើងចំណុះឱ្យក្រសួងបរិស្ថាន ក្នុងគោលបំណងបង្កើនការចូលរួមការការពារ អភិរក្សធនធានធម្មជាតិ និងបេតិកភណ្ឌ និងលើកកម្ពស់ជីវរស់នៅរបស់ប្រជាសហគមន៍មូលដ្ឋាន ដែលរស់នៅក្នុង និងក្បែតំបន់ការពារធម្មជាតិ ។
បើតាមលោក សាយ សំអាល់រដ្ឋមន្ត្រីក្រសួងបរិស្ថានបានឲ្យដឹងថានៃការបង្កើតអគ្គនាយកដ្ឋានថ្មីនេះនៅក្នុងវេទិការលើកទី៣ ស្តីពី «ការចូលរួមរបស់រដ្ឋបាលថ្នាក់ក្រោមជាតិ និងសហគមន៍មូលដ្ឋានក្នុងការ ការពារនិងអភិរក្សាធនធានធម្មជាតិ» ។ វេទិការនេះធ្វើឡើងនាទីស្តីការក្រសួង បរិស្ថានដើម្បីឲ្យស្របតាមការធ្វើកំណែទម្រង់ស្ថាប័ន គោលនយោបាយ និងច្បាប់នានារបស់ក្រសួងបរិស្ថានក្នុងការធ្វើកំណែទម្រង់រចនាសម្ព័ន្ធ របស់ ក្រសួង ស្របនឹងអនុក្រឹត្រលេខ ១៣៥អនក្រ.បក ខែកក្កដា ឆ្នាំ២០១៦ស្តីពីរៀបចំនិងការ ប្រព្រឹត្តិទៅរបស់ក្រសួងបរិស្ថានដោយបានបង្កើតអគ្គនាយករដ្ឋានថ្មីនេះផង។
រដ្ឋមន្ត្រីក្រសួងបរិស្ថានបានបន្តថា តំបន់ការពារធម្មជាតិ ថ្មីមានចំនួន២៤កន្លែង និងបៀងអភិរក្សជីវៈចម្រុះប្រព័ន្ធតំបន់ការពាធម្មជាតិ មាន៣កន្លែង ត្រូវ បានបង្កើតឡើង បន្ថែមលើតំបន់ការពារធម្មជាតិចំនួន២៤កន្លែង ដែលមានស្រាប់ ។ ដូច្នេះ ប្រព័ន្ធតំបន់ការពារធម្មជាតិនៅកម្ពុជាមានដូចជា តំបន់ការពារធម្មជាតិមានចំនួន ៤៨កន្លែង និងរបៀងអភិរក្សាជីវៈចម្រុះប្រព័ន្ធតំបន់ការពារធម្មជាតិមាន៣កន្លែង ដែលគ្រប់ដណ្តប់លើផ្ទៃដី ៧,៥ លានហិកតា ស្មើនឹង៤១% នៃផ្ទៃដីទូទាំងប្រទេស។
លោកសាយ សំអាល់បន្ថែមថា ក្រសួងបរិស្ថានបានកំពុងសិក្សាអំពីសក្តានុពលជីវចម្រុះ និងធនធានធម្មជាតិ ដើម្បីបង្កើតតំបន់ការពារធម្មជាតិថ្មីៗបន្ថែមទៀត ដូចជាសសេរសស្តម្ភសត្វតោ (ខេត្តក្រចេះ) ភ្នំនាងកង្រី ភ្នំទូកមាស (កំពង់ឆ្នាំង) ព្រៃសហគមន៍សង្ឃរុក្ខាវ័ន(ខេត្តឧត្តរមានជ័យ) ភ្នំប្រាំពីរ (ខេត្តបាត់ដំបង) កោះកេរ្តិ៍ (ខេត្តព្រះវិហារ) និងសំបូរព្រៃគុក (ខេត្តកំពង់ធំ) ព្រម ទាំងបានកំពុងរៀបចំចំបែបបទដាក់បញ្ជូលតំបន់ស្នូលស្ទឹងសែន និងតំបន់ជុំវិញទៅជាតំបន់ រ៉ាមសារ ៕
ចែករំលែកព័តមាននេះ