រាជធានីភ្នំពេញ ៖ បុរសម្នាក់ជាកម្មករដឹកមាន់ត្រូវរថយន្តដឹកត្រីបើកជែងរថយន្តមួយគ្រឿងជ្រុលទៅបុកចំពីមុខពេញទំហឹងបណ្តាលឲ្យអ្នកបើកម៉ូតូបែកក្បាលស្លាប់ដេក នៅជិតមាន់ជ្រុះរាយប៉ាយតាមផ្លូវព្រះស៊ីសុវត្ថិកែងផ្លូវ១៣៦ ចំណុចមាត់ទន្លេ ស្ថិតនៅក្នុងសង្កាត់ផ្សារកណ្តាល១ ខណ្ឌដូនពេញ ហេតុការណ៍នេះបានកើតឡើងកាលពីវេលាម៉ោង៤និង៣០នាទីទាបភ្លឺថ្ងៃទី២២ ខែវិច្ឆិកា ឆ្នាំ២០១៧…
រាជធានីភ្នំពេញ ៖ បុរសម្នាក់ជាកម្មករដឹកមាន់ត្រូវរថយន្តដឹកត្រីបើកជែងរថយន្តមួយគ្រឿងជ្រុលទៅបុកចំពីមុខពេញទំហឹងបណ្តាលឲ្យអ្នកបើកម៉ូតូបែកក្បាលស្លាប់ដេក នៅជិតមាន់ជ្រុះរាយប៉ាយតាមផ្លូវព្រះស៊ីសុវត្ថិកែងផ្លូវ១៣៦ ចំណុចមាត់ទន្លេ ស្ថិតនៅក្នុងសង្កាត់ផ្សារកណ្តាល១ ខណ្ឌដូនពេញ ហេតុការណ៍នេះបានកើតឡើងកាលពីវេលាម៉ោង៤និង៣០នាទីទាបភ្លឺថ្ងៃទី២២ ខែវិច្ឆិកា ឆ្នាំ២០១៧ ។
ជនរងគ្រោះដែលស្លាប់ឈ្មោះទីន អាយុ១៨ឆ្នាំ មុខរបរ កម្មករដឹកមាន់ ស្នាក់នៅ សង្កាត់ច្រាំងចំរះ២ ខណ្ឌឬស្សីកែវ មានស្រុកកំណើតភូមិច្រេះ ស្រុកកំពង់ត្រឡាច ខេត្តកំពង់ឆ្នាំង ។
សាក្សីឃើញហេតុការណ៍បានឲ្យដឹងថា មុនពេលកើតហេតុជនរងគ្រោះជិះម៉ូតូមួយគ្រឿង ពណ៌ខ្មៅ ស្លាកលេខ ភ្នំពេញ១DE-០៣៤៦ជាកម្មករដឹកមាន់ដឹកចេញមកពីគីឡូម៉ែត្រលេខ៨ យកទៅបោះឲ្យម៉ូយតាមផ្សារ ធ្វើដំណើរមកតាមបណ្តោយផ្លូវព្រះស៊ីសុវត្ថិក្នុងពីជើងទៅត្បូង ខណៈពេលមកដល់ចំណុចកើតហេតុស្រាប់តែមានរថយន្តបង្កមួយគ្រឿងមិនចាំស្លាកលេខ ជារថយន្តដឹកត្រីមួយតោនកន្លះបើកមកតាមបណ្តោយផ្លូវព្រះស៊ីសុវត្ថិក្នុងពីត្បូងទៅជើង បើកយ៉ាងលឿនជែងរថយន្តមួយគ្រឿងទៀតទិសដៅស្របគ្នា ក៏ជ្រុលទៅបុកម៉ូតូរងគ្រោះចំពីមុខពេញទំហឹងបណ្តោលឲ្យបែកក្បាលហូរឈាមស្លាប់នៅនឹងកន្លែងកើតហេតុភ្លាមៗ ។
ចំនែកម៉ូតូរងការខូចខាតផ្នែកខាងមុខ និងជ្រុះមាន់រាយប៉ាយពេញផ្លូវ ដោយឡែករថយន្តបង្កបាក់កញ្ចក់ខាងឆ្វេង ហើយបានរត់គេចខ្លួនបាត់ស្រមោលមិនមាននរណាម្នាក់ចាំស្លាកលេខ ។ សពជនរងគ្រោះត្រូវបានសាច់ញាតិដឹកយកទៅធ្វើបុណ្យនៅឯស្រុកកំណើតនៅសាលាលេខ៥ ខេត្តកំពង់ឆ្នាំងទៅតាមប្រពៃណី ៕
ចែករំលែកព័តមាននេះ