រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួក៤នាក់ ត្រូវបានសមត្ថកិច្ចប៉ុស្តិ៍នគរបាល បឹងត្របែក ឃាត់ខ្លួនយកទៅសាកសួរ បន្ទាប់ពីជនសង្ស័យរូបនោះ បានធ្វើសកម្មភាពឆក់យកទូរសព្ទ័ពីបុរសម្នាក់បានសម្រេច។ ហេតុការណ៍នេះបានកើតឡើងនៅវេលាម៉ោង៦ និង៣០នាទីល្ងាច…
រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួក៤នាក់ ត្រូវបានសមត្ថកិច្ចប៉ុស្តិ៍នគរបាល បឹងត្របែក ឃាត់ខ្លួនយកទៅសាកសួរ បន្ទាប់ពីជនសង្ស័យរូបនោះ បានធ្វើសកម្មភាពឆក់យកទូរសព្ទ័ពីបុរសម្នាក់បានសម្រេច។ ហេតុការណ៍នេះបានកើតឡើងនៅវេលាម៉ោង៦ និង៣០នាទីល្ងាច ថ្ងៃទី២១ ខែវិច្ឆកា ឆ្នាំ២០១៧ ចំណុចផ្លូវ៩៩កែងនឹងផ្លូវ៤៧៤ សង្កាត់បឹងត្របែក ខណ្ឌចម្ការមន ជនរងគ្រោះឈ្មោះ ឃាវ ជ ភេទប្រុស អាយុ៣០ឆ្នាំ មុខរបរបុគ្គលិក ក្រុមហ៊ុនឯកជន ផ្ទះជួលផ្លូវ១៦៩ សង្កាត់វាលវង់ ខណ្ឌ៧មករា។ ទូរសព្ទ័ដែលជនសង្ស័យយកទៅម៉ាក oppo ទិញតម្លៃ៤៨៩ដុល្លារ ជនសង្ស័យមានឈ្មោះ ផល សុគន្ធ ភេទប្រុស អាយុ១៥ឆ្នាំ មុខរបរសិស្ស វិទ្យាល័យទួលអំពិល ស្នាក់នៅភូមិសំបួរ សង្កាត់ដង្កោ ខណ្ឌដង្កោ ដកហូតម៉ូតូ ម៉ាកឌ្រីមសង់ ស៊េរីឆ្នាំ២០១៧ ពណ៌ក្រហម ពាក់ស្លាកលេខ ភ្នំពេញ 1GO-6361 មួយគ្រឿងជារបស់ជនសង្ស័យ ជិះធ្វើសកម្មភាព។
តាមសម្តីជនរងគ្រោះ បានឲ្យដឹងថា មុនពេលកើតហេតុ រូបគាត់បានជិះម៉ូតូម៉ាកស៊ុយហ្សុយគីឡែត ពណ៌ស ចេញពីកម្មវីធីខួបកំណើត មិត្តភក្តិនៅហាងមួយកន្លែង យីហោរ វីហ្វ្រេន ស្ថិតនៅសង្កាត់បឹងត្របែក ខណ្ឌចម្ការមន គោលបំណងត្រលប់ទៅផ្ទះវិញ នៅសង្កាត់វាលវង់ ខណ្ឌ៧មករា ដោយបានធ្វើដំណើរតាមផ្លូវ៤៧៤ ក្នុងទិសដៅ ពីលិចទៅកើត ខណៈមកដល់ចំនណុចកើតហេតុ រូបគាត់បានឈប់ដើម្បីនិយាយទូរស័ព្ទ ស្របពេលនោះដែរក៏ស្រាប់តែជនសង្ស័យចំនួន៤នាក់ ជិះម៉ូតូ២គ្រឿង ដោយមួយគ្រឿងម៉ាកឌ្រីមសង់ ស៊េរីឆ្នាំ២០១៧ ពណ៌ក្រហម និងមួយគ្រឿងមិនចាំម៉ាក បានជិះមកជិត ហើយជនសង្ស័យទាំងនោះបានធ្វើសកម្មភាព ឆក់យកទូរសព្ទ័ពីដៃរបស់គាត់បានសម្រេចរួចហើយបានបន្ថែមល្បឿនដើម្បីបើករត់គេចខ្លួន។
ប្រភពដដែលបានបន្តទៀតថា នៅពេលដែលជនសង្ស័យឆក់បានហើយ រូបគាត់ជាជនរងគ្រោះ បានរត់ដេញតាមចាប់ផ្តួលម៉ូតូជនសង្ស័យ ព្រមទាំងស្រែកឲ្យគេជួយផង ទើបប្រជាពលរដ្ឋដែលនៅក្បែរនោះបាននាំចេញមកជួយចាប់បានជនសង្ស័យម្នាក់និងម៉ូតូមួយគ្រឿង យកទៅឲ្យសមត្ថកិច្ចធ្វើការសាកសួរនៅប៉ុស្តិ៍នគរបាលបឹងត្របែក ចំណែកបក្ខពួកផ្សេងទៀតបានរត់គេខ្លួនបាត់អស់ព្រមទាំងយកទូរសព្ទ័ របស់គាត់ដែលទិញតម្លៃ៤៨៩ទៅជាមួយផងដែរ ។ នៅចំពោះមុខសមត្ថកិច្ច ជនសង្ស័យរូបនោះបានសារភាពថា ពួកគេមានគ្នាចំនួន៤នាក់ ជិះម៉ូតូ២គ្រឿង ពិតជាបានធ្វើសកម្មភាពឆក់ទូរសព្ទ័ របស់ជនរងគ្រោះពិតប្រាកដមែន ហើយទូរសព្ទ័ដែលឆក់បាន គឺពួកគេបានបណ្តោះឲ្យគ្នីគ្នាគេបាត់ហើយ។ ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលបឹងត្របែក ដោយជនសង្ស័យវិញត្រូវបានសមត្ថកិច្ចកសាងសំណុំរឿងបញ្ជូនទៅអធិការដ្ឋានខណ្ឌចម្ការមន៕
ចែករំលែកព័តមាននេះ