ខេត្តកណ្ដាល ៖ ស្ត្រីម្នាក់បានស្លាប់ៗភ្លាមនៅក្បែរផ្លូវដោយសារត្រូវរថយន្តមួយគ្រឿងបើកមកបុកទាំងកំរោលដែលគាត់ចតម៉ូតូឈប់នៅក្បែរផ្លូវ កាលពីម៉ោង១០និង៣០នាទីព្រឹកថ្ងៃទី២១ វិច្ឆិកា នៅក្បែរផ្លូវជាតិលេខ៨ ចំណុចភូមិអន្លង់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល…
ខេត្តកណ្ដាល ៖ ស្ត្រីម្នាក់បានស្លាប់ៗភ្លាមនៅក្បែរផ្លូវដោយសារត្រូវរថយន្តមួយគ្រឿងបើកមកបុកទាំងកំរោលដែលគាត់ចតម៉ូតូឈប់នៅក្បែរផ្លូវ កាលពីម៉ោង១០និង៣០នាទីព្រឹកថ្ងៃទី២១ វិច្ឆិកា នៅក្បែរផ្លូវជាតិលេខ៨ ចំណុចភូមិអន្លង់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល ។
ជនរងគ្រោះដែលស្លាប់ឈ្មោះ ខៀវ ស្រី អាយុ៦៣ឆ្នាំ នៅភូមិអន្លង់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាលស្លាប់នៅកន្លែងកើតហេតុ។
រថយន្តបង្កពណ៌សរ ផ្លាកលេខ ភ្នំពេញ ២H-៦៧៥៦ បើកដោយឈ្មោះ ង៉ែត ពុធ អាយុ២០ឆ្នាំនៅភូមិចំនាក់ចំបក់ ឃុំសំរោងលើ ស្រុកបន្ទាយមាស ខេត្តកំពត ។ បើកពីត្បូងបត់ទៅលិច លុះមកដល់កន្លែងកើតហេតុរថយន្តខាងលើ បានបើកចេញពីសិប្បកម្មផលិតទឹកត្រីទៅលក់អេតចាយលុះមកដល់កន្លែងកើតហេតុបានបុកជាមួយម៉ូតូមួយគ្រឿង ពណ៌ក្រហម ផ្លាកលេខ ភ្នំពេញ ១K-០២៩៧ បើកដោយឈ្មោះ មួន សល់ ភេទប្រុស អាយុ៤១ឆ្នាំ នៅភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល បណ្ដាលឲ្យរបួសស្រាលដែលបើកពីលិចទៅកើត ។ រថយន្ត ខាងលើបានបើករេចង្កូតទៅបុកនឹងម៉ូតូមួយគ្រឿងទៀតចតនៅស្ងៀមក្បែរផ្លូវ ដែលមានស្ត្រីម្នាក់នៅក្បែរនោះបណ្ដាលឲ្យស្លាប់នៅកន្លែងកើតហតុ ។
ក្រោយកើតហេតុអ្នកបើករថយន្តខាងលើ ត្រូវសមត្ថកិច្ចឃាត់ខ្លួនមកកាន់អធិការនគរបាល ចំពោះសម្ភារសមត្ថកិច្ចជំនាញយកមករក្សាទុកនៅអធិការនគរបាលស្រុកដើម្បីរង់ចាំការដោះស្រាយតាមនីតិវិធី ៕
ចែករំលែកព័តមាននេះ