នាវាចម្បាំងបំបាយកាយ រុស្ស៊ីថា រ៉ាដាខ្លួននៅតែចាប់បាន
ប្រទេសបារាំង-ប្រទេសរុស្ស៊ី ៖ បច្ចេកវិទ្យា STEALTH ដែលធានាដល់ការបំបាំងកាយរបស់បណ្តានាវាចម្បាំងនៅតែពុំអាចបិទបាំងនាវាចម្បាំងបារាំង F-714 GUEPRATTE ប្រភេទ LA FAYETTE…
ប្រទេសបារាំង-ប្រទេសរុស្ស៊ី ៖ បច្ចេកវិទ្យា STEALTH ដែលធានាដល់ការបំបាំងកាយរបស់បណ្តានាវាចម្បាំងនៅតែពុំអាចបិទបាំងនាវាចម្បាំងបារាំង F-714 GUEPRATTE ប្រភេទ LA FAYETTE ពីបណ្តារ៉ាដារុស្ស៊ីបាន ។
នាវាចម្បាំងបារាំងនេះបើតាមសេចក្តីរាយការណ៍មួយរបស់ប្រភពការពារសន្តិសុខរុស្ស៊ីនៅគ្រីមេប្រាប់ដល់ទីភ្នាក់ងារព័ត៌មានរុស្ស៊ី SPUTNIK ថា បានបើកចូលសមុទ្រខ្មៅរួចបច្ចុប្បន្នកំពុងបើកឆ្ពោះទៅភាគខាងកើតនៃសមុទ្រនេះ ។
ប្រភពនោះអះអាងថា នាវាចម្បាំងបារាំង F-714 GUEPRATTE ប្រភេទ LA FAYETTE ពុំអាចគេចផុតពីរ៉ាដានៃស្ថានីយតាមដានពិនិត្យរបស់កងនាវាចរណ៍សមុទ្រខ្មៅរុស្ស៊ីឡើយ ។
បំពាក់ដោយបច្ចេកវិទ្យា STEALTH ដែលជួយរារាំងដល់ការចាប់ឃើញរ៉ាដាជាការធានាដល់ការបំបាំងកាយរបស់វា ហើយបំពាក់ដោយបណ្តាមីស៊ីលប្រឆាំងនាវា F-714 GUEPRATTE កាលពីថ្ងៃទី២០ វិច្ឆិកា ចាប់ឃើញកំពុងបើកចូលក្នុងសមុទ្រខ្មៅ ។ បណ្តារ៉ាដារុស្ស៊ីអាចចាប់ឃើញបណ្តានាវាប្រភេទនេះក្នុងចម្ងាយដល់ទៅច្រើនរយគីឡូម៉ែត្រ។
ប្រភពខាងលើនេះបន្តថា បច្ចេកវិទ្យា STEALTH បង្កើតឡើងដើម្បីប្រឈមមុខនឹងឧស្សាហកម្មវិទ្យុអេឡិចត្រូនិករុស្ស៊ី ។ នាវាពិឃាត LA FAYETTE ទោះជាប្រើបច្ចេកវិទ្យានេះក្តី ក៏ត្រូវចាប់ឃើញក្នុងអេក្រង់របស់ផ្នែកវិទ្យុ និងបច្ចេកទេសរបស់កងនាវាចរណ៍សមុទ្រខ្មៅរុស្ស៊ី ខណៈពេលវាបើកឆ្លងកាត់តំបន់ BOSPHORE ។
យោងតាមការវាយតម្លៃនានាថា នាវាចម្បាំងបារាំងនេះបើកឆ្ពោះទៅភាគខាងកើតនៃសមុទ្រខ្មៅ ពិសេសឆ្ពោះទៅកាន់ប្រទេសហ្ស៊កហ្ស៊ី ។ នាវាចម្បាំង LA FAYETTE ពុំអាចគេចផុតពីការតាមដានឃើញរបស់រុស្ស៊ីឡើយ ក្នុងសមុទ្រខ្មៅ ។ ការមកកាន់សមុទ្រខ្មៅលើកមុនរបស់នាវានេះគឺកាលពីខែមីនា ឆ្នាំ២០១៧ ។ ពេលនោះនាវានេះបានឈប់សំចតក្នុងកំពង់ផែ CONSTANTA របស់រ៉ូម៉ានី ហើយចូលរួមក្នុងសមយុទ្ធជើងទឹករួមបារាំង-រ៉ូម៉ានី ។ រួចកាលពីខែមីនា ឆ្នាំ២០១៥ នាវា LA FAYETTE បានទៅកាន់កំពង់ផែអ៊ុយក្រែន ODESSA ។
រយៈពេលប៉ុន្មានឆ្នាំចុងក្រោយនេះ បណ្តានាវាចម្បាំងរបស់កងម៉ារីនសហរដ្ឋអាមេរិក និងរបស់សមាជិកឯទៀតៗនៃអង្គការអូតង់បានមកកាន់សមុទ្រខ្មៅជាច្រើនលើក ។
យោងតាមអនុសញ្ញា MONTREUX ឆ្នាំ១៩៣៦ បណ្តានាវាចម្បាំងរបស់បណ្តាប្រទេសពុំស្ថិតនៅជាប់សមុទ្រខ្មៅអាចបើកកាត់សមុទ្រនេះត្រឹមតែរយៈពេល២១ថ្ងៃជាប់ៗគ្នាប៉ុណ្ណោះ ។ សន្ធិសញ្ញានេះក៏កម្រិតផងដែរចំពោះប្រភេទនាវា ព្រមទាំងចំណុះសរុបរបស់នាវាចម្បាំងទាំងនេះ ក្នុងពេលសន្តិភាពមិនឱ្យលើសពី៣០.០០០តោនឡើយ ៕
ចែករំលែកព័តមាននេះ