ខេត្តកំពង់ស្ពឺ ៖ ក្រុមជនសង្ស័យ៣នាក់ដែលសមត្ថកិច្ចឃាត់ខ្លួនបានពេលផ្លោះរបងចូលផ្ទះមន្ត្រីយោធាមួយរូបត្រូវបានកសាងសំណុំរឿងបញ្ជូនទៅកាន់សាលាដំបូងខេត្ត ចាត់ការបន្តដោយចោទប្រកាន់ពីបទរំលោភលើលំនៅដ្ឋាន ។
មន្ត្រីនគរបាលយុត្តិធម៌កងរាជអាវុធហត្ថខេត្តបានប្រាប់នៅរសៀលថ្ងៃទៅថ្ងៃទី២១ ខែវិច្ឆិកា ឆ្នាំ២០១៧ថា ជនសង្ស័យទាំង៣នាក់ ត្រូវបានសមត្ថកិច្ចឃាត់កាលពីវេលាម៉ោង២០ និង១៥នាទីថ្ងៃទី១៨ ខែវិច្ឆិកា ឆ្នាំ២០១៧ នៅចំណុចដីចំការ ឈ្មោះ ធៀង សុខាភេទប្រុស អាយុ៥៨ឆ្នាំ ទីលំនៅភូមិប៉ែលហែល សង្កាត់សុពរ័ទេព ក្រុងច្បារមន ។ ក្រុមជនសង្ស័យទាំង៣នាក់ ប៉ុនប៉ងលួចទ្រព្យសម្បត្តិតែមិនទាន់បានធ្វើសកម្មភាពផងក៏បែកការសមត្ថកិច្ចចាប់ខ្លួនបានតែមម្តង ។
ជនសង្ស័យចំនួន០៣នាក់ ទី១- រុន ឆារ៉ាន់ ភេទប្រុស អាយុ១៩ឆ្នាំ នៅភូមិថ្នល់បត់ ឃុំក្រាំងអំបិល ស្រុកសំរោងទង មុខរបរមិនពិតប្រាកដ ទី២- មាស ស៊ីរីពន្លក ភេទប្រុស អាយុ១៩ឆ្នាំ ភូមិស្វាយក្រវ៉ាន់ សង្កាត់ស្វាយក្រវ៉ាន់ ក្រុងច្បារមន មុខរបរមិនពិតប្រាកដ និងទី៣- ផាន់ សូណា ភេទប្រុស អាយុ២៤ឆ្នាំ ភូមិទឹកលិច ឃុំស្គុះ ស្រុកសំរោងទង មុខរបរមិនពិតប្រាកដ។
ក្រោយឃាត់ខ្លួនសមត្ថកិច្ចដកហូតវត្ថុតាង ម៉ូតូ២គ្រឿងស៊េរី២០១៧ ផ្លាកលេខ ក/ស្ពឺ ១J-៥៧៩៣ និង០១ទៀតស៊េរី២០១៦ ផ្លាកលេខ ក/ស្ពឺ ១H-៥៦៩៤ ទូរសព្ឌ័ដៃ០៤គ្រឿង អត្តសញ្ញាណបណ្ណ័១សន្លឹក កាបូបដៃ១ ដែកកេះ១ ។ ក្រុមជនសង្ស័យបានឆ្លើយសារភាពថា ពួកគេមានបំណងចូលទៅលួចទ្រព្យសម្បត្តិម្ចាស់ផ្ទះខាងលើតែមិនទាន់បានធ្វើសកម្មភាពផងក៏ត្រូវម្ចាស់ផ្ទះទាន់ ហើយចាប់ប្រគល់ឲ្យសមត្ថកិច្ចតែម្តង ។
បច្ចុប្បន្នជនសង្ស័យ និងវត្ថុតាងកម្លាំងជំនាញកសាងសំណុំរឿងបញ្ជូនទៅតុលាការដើម្បីស៊ើបអង្កេតបន្ត ។
ចែករំលែកព័តមាននេះ