រាជធានីភ្នំពេញ៖ ថ្នាក់ដឹកនាំរដ្ឋសភាបានឱ្យដឹងថា ក្រោយពីគណបក្សសង្គ្រោះជាតិត្រូវបានរំលាយដោយអំណាចសាលដីកាតុលាការកំពូលហើយនោះ អតីតសមាជិកសភាមកពីបក្សប្រឆាំងទាំង៥៥រូប រួមនឹងអ្នកពាក់ព័ន្ធត្រូវប្រគល់សម្ភារៈមករដ្ឋសភាត្រឹមថ្ងៃទី២៤ វិច្ឆិកា ឆ្នាំ២០១៧ ។ នេះបើតាមការអះអាងរបស់អ្នកនាំពាក្យរដ្ឋសភាលោក ឡេង…
រាជធានីភ្នំពេញ៖ ថ្នាក់ដឹកនាំរដ្ឋសភាបានឱ្យដឹងថា ក្រោយពីគណបក្សសង្គ្រោះជាតិត្រូវបានរំលាយដោយអំណាចសាលដីកាតុលាការកំពូលហើយនោះ អតីតសមាជិកសភាមកពីបក្សប្រឆាំងទាំង៥៥រូប រួមនឹងអ្នកពាក់ព័ន្ធត្រូវប្រគល់សម្ភារៈមករដ្ឋសភាត្រឹមថ្ងៃទី២៤ វិច្ឆិកា ឆ្នាំ២០១៧ ។ នេះបើតាមការអះអាងរបស់អ្នកនាំពាក្យរដ្ឋសភាលោក ឡេង ប៉េងឡុង។
លោក ឡេង ប៉េងឡុង បានឲ្យដឹងនៅថ្ងៃទី២១ វិច្ឆិកា ឆ្នាំ២០១៧ បញ្ជាក់ថា៖ «អ្នកដែលទទួលបានរថយន្តពីរដ្ឋសភាមានប្រធានគណៈកម្មាធិការអគ្គលេខាធិការរង ។ ដូច្នេះពួកគាត់ត្រូវប្រគល់ឲ្យរដ្ឋសភាវិញ នូវរថយន្តទាំងអស់នោះ ។ យើងបានជូនដំណឹងឲ្យដឹងគាត់ហើយ គឺត្រូវផ្តល់មកវិញត្រឹមថ្ងៃទី២៤ វិច្ឆិកា ឆ្នាំ២០១៧ ខាងមុខនេះ»។
អ្នកនាំពាក្យរូបនេះបានឲ្យដឹងថា រហូតមកដល់ពេលនេះរដ្ឋសភាបានទទួលសម្ភារៈខ្លះៗ ក៏ដូចជារថយន្តមួយចំនួនពីអតីតថ្នាក់ដឹកនាំរបស់ CNRP ហើយ ។ លោកថា ថវិការបស់អតីតសមាជិករដ្ឋសភា ទីប្រឹក្សាជំនួសការ អ្នកបើករថយន្តត្រូវបានរដ្ឋសភាកាត់ផ្តាច់អស់តាំងពីថ្ងៃទី ១៧ វិច្ឆិកា មកម៉្លេះ ។
លោកបញ្ជាក់ថា៖ «កាលណារំលាយគណបក្សរួចហើយ សមាជិកសភាគឺអស់ប្រាក់ខែ រួមទាំងសមាជិកសភា ទីប្រឹក្សា ជំនួយការ អ្នកបើកបររថយន្តសរុបទាំងអស់ជាង១២០រូប ត្រូវបានកាត់ផ្តាច់ប្រាក់ខែអស់ហើយ»៕
ចែករំលែកព័តមាននេះ