ខេត្តព្រៃវែង ៖ សេចក្តីរាយការណ៍ឱ្យដឹងថា យុវជនម្នាក់ដោយសារតែតូចចិត្ត ក្រោយពេលឱ្យឪពុកម្តាយទៅចូលស្តីដណ្តឹងកូនក្រមុំគេម្នាក់ តែត្រូវឪពុកម្តាយខាងស្រីប្រកែកមិនលើកឱ្យ ស្រាប់តែតូចចិត្តខ្លាំងរហូតចង.កធ្វើអត្តឃាតខ្លួនឯង ។
ហេតុការណ៍ ដែលមិននឹកស្មានដល់នេះ បានកើតឡើងប្រហែលម៉ោងជាង៥ល្ងាចថ្ងៃទី២០ វិច្ឆិកា ស្ថិតនៅលើផ្ទះក្នុងភូមិព្រៃចេក ឃុំព្រៃរំដេង ស្រុកមេសាង ខេត្តព្រៃវែង ។
សេចក្តីរាយការណ៍បន្តថា ជនរងគ្រោះខាងលើឈ្មោះ ណាន រ៉េវ អាយុ២០ឆ្នាំ មានទីលំនៅក្នុងភូមិកើតហេតុ បច្ចុប្បន្នមិនមានការងារ ឬប្រកបរបរអ្វីនោះទេ ។
សមត្ថកិច្ចឱ្យដឹងទៀតថា ជនរងគ្រោះបានចង.កខ្លួនឯងជាមួយអាវដៃវែងពណ៌.ស ភ្ជាប់នឹងចំរឹងដែកបង្អួចផ្ទះ ស្លាប់យ៉ាងអាណោចអាធ័ម ។ ក្រោយពីសមត្ថកិច្ចពិនិត្យសាកសព ក៏ប្រគល់សាកសពទៅឱ្យក្រុមគ្រួសារធ្វើបុណ្យតាមប្រពៃណី ។
ចែករំលែកព័តមាននេះ