ខេត្តព្រៃវែង ៖ កុមារាអាយុ១១ឆ្នាំពីនាក់បានបាត់បង់ជីវិតបន្តបន្ទាប់គ្នា ដោយសារតែពួកគេបានចុះលេងទឹកស្រះក្នុងវត្តបណ្តាលឲ្យលង់ទឹកស្លាប់ទាំងពីរនាក់ ។ ហេតុការណ៍នេះបានបង្កការភ្ញាក់ផ្អើលកាលពីថ្ងៃទី២០ខែវិច្ឆិកា ឆ្នាំ២០១៧ វេលាម៉ោង១២និង៣០នាទីថ្ងៃត្រង់ចំណុចស្រះទឹកវត្តក្ដីកណ្ដាល សង្កាត់កំពង់លាវ ក្រុងព្រៃវែងខេត្តព្រៃវែង ។
បើតាមសមត្ថកិច្ចបានឲ្យដឹងថា កុមារាទី១- ជា សៀវម៉េង មានទីនៅភូមិលេខ៧ សង្កាត់កំពង់លាវក្រុងព្រៃវែង ទី២- វណ្ណ ថាវីន មានទីលំនៅភូមិលេខ៧សង្កាត់កំពង់លាវ ក្រុងព្រៃវែង ។
ព័ត៌មាននិយាយថា ក្មេងរងគ្រោះទាំង២នាក់ នៅផ្ទះក្បែរគ្នា ហើយនៅមុនពេលកើតហេតុគេឃើញក្មេងប្រុស២នាក់ខាងលើ បានទិញមីពីផ្ទះចិនមួយកញ្ចប់ ដោយបបួលគ្នាថាយកទៅឲ្យត្រីស៊ី ។ ខណៈនោះអ្នកលក់ចាប់ហួយក៏មិនបានចាប់អារម្មណ៍ស្រាប់តែមួយសន្ទុះមានការភ្ញាក់ផ្អើលថាក្មេងប្រុសទាំង២នោះបានលង់ទឹកស្រះស្លាប់ទៅហើយ ។
ភ្លាមនោះនគរបាលជំនាញសហការជាមួយនគរបាលប៉ុស្តិ៍ និងមានការចូលរួមពីអាជ្ញាធរមូលដ្ធានចុះទៅពិនិត្យធ្វើកុសល្យវិច្ច័យលើសាកសពក្មេងទាំង២នាក់ ។ បន្ទាប់មកពិនិត្យឃើញថា ក្មេងប្រុសទាំង២នាក់ពិតជាស្លាប់ដោយសារលង់ទឹកស្លាប់ប្រាកដមែន ហើយសមត្ថកិច្ចក៏ធ្វើកំណត់ហេតុប្រគល់សពរៀបចំធ្វើបុណ្យតាមប្រពៃណី ៕
ចែករំលែកព័តមាននេះ