ខេត្តកំពត ៖ បុរសវ័យចំណាស់ម្នាក់ត្រូវបានកងនគរបាលខេត្តកំពត បញ្ជូនខ្លួនមកកាន់សាលាដំបូងខេត្ត កាលពីព្រឹកថ្ងៃទី២១ ខែវិច្ឆិកា ឆ្នាំ២០១៧ ។ ការបញ្ជូនបុរសចំណាស់រូបនោះមកកាន់សាលាដំបូងខេត្តសួរនាំ បន្ទាប់ពីបុរសជាប្ដីបានវាយប្រពន្ធចុងចំនួន៣ដងរែក…
ខេត្តកំពត ៖ បុរសវ័យចំណាស់ម្នាក់ត្រូវបានកងនគរបាលខេត្តកំពត បញ្ជូនខ្លួនមកកាន់សាលាដំបូងខេត្ត កាលពីព្រឹកថ្ងៃទី២១ ខែវិច្ឆិកា ឆ្នាំ២០១៧ ។ ការបញ្ជូនបុរសចំណាស់រូបនោះមកកាន់សាលាដំបូងខេត្តសួរនាំ បន្ទាប់ពីបុរសជាប្ដីបានវាយប្រពន្ធចុងចំនួន៣ដងរែក កាលពីវេលាម៉ោង៣ទាបភ្លឺ ថ្ងៃទី១៨ ខែវិច្ឆិកា កន្លងទៅថ្មីៗនេះ ។
លោក ឈឹម ឈាង ប្រធានការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកំពត បានប្រាប់ឲ្យដឹងកាលពីព្រឹកថ្ងៃទី២១ ខែវិច្ឆិកា ឆ្នាំ២០១៧ នេះថា បុរសជាជនសង្ស័យសម្លាប់ប្រពន្ធចុងនេះឈ្មោះ ជិន ខុម អាយុ៥៥ឆ្នាំ នៅភូមិគោចិនលែង ឃុំថ្មី ស្រុកទឹកឈូ ។ ឬឯស្ត្រីជាប្រពន្ធជាជនរងគ្រោះនោះឈ្មោះ ជាម រឹម អាយុ៥២ឆ្នាំ ត្រូវបានបុរសជាប្ដីឈ្មោះ ជិន ខុម បានវាយ៣ដងរែកបែកក្បាល ។ ជនសង្ស័យវាយប្រពន្ធឲ្យស្លាប់បានប្រាប់កងនគរបាលថា ខ្លួនពិតជាបានវាយសម្លាប់ប្រពន្ធមែន ដោយសាតែស្ត្រីជាប្រពន្ធចុងរូបនោះ បានផឹកស្រាស្រវឹងជេររូបគាត់ជាប្ដីជាញឹកញាប់ ។
ជនសង្ស័យបានប្រាប់នគរបាលថា នៅមុនពេលកើតហេតុប្រពន្ធដើម និងប្រពន្ធចុង បានផឹកស្រាស្រវឹង ហើយដេកទាំងខ្លួនអាក្រាតនៅនឹងដី ពេលគាត់ជាប្ដីឃើញបានដាល់ស្ត្រីឈ្មោះ ហ៊ឹយ ឃន ត្រូវជាប្រពន្ធដើមចំនួន៣ដៃ និងប្រពន្ធចុងឈ្មោះ ជាម រឹម រឹងរុះមិនព្រមឡើងស្លៀកពាក់ខោអាវ ទើបខ្លួនបានវាយរហូតតតែស្លាប់បាត់ ៕
ចែករំលែកព័តមាននេះ