ខេត្តបាត់ដំបង ៖ ការប្រឡងប្រណាំងតាមបណ្តាអង្គភាពកងការពារព្រំដែនចំណុះយោធភូមិភាគទី៥ ដែលបានធ្វើឡើងគ្រប់តាមអង្គភាពតាមខ្សែបន្ទាត់ព្រំដែនជាបន្តទៀតក្នុងផែនទី៣ ដោយមានការចូលរួមពី៤កងការពារព្រំដែនលេខ៥០១ ៥០២ ៥០៣ និង៥០៤ នៅថ្ងៃទី២០ ខែវិច្ឆិកា…
ខេត្តបាត់ដំបង ៖ ការប្រឡងប្រណាំងតាមបណ្តាអង្គភាពកងការពារព្រំដែនចំណុះយោធភូមិភាគទី៥ ដែលបានធ្វើឡើងគ្រប់តាមអង្គភាពតាមខ្សែបន្ទាត់ព្រំដែនជាបន្តទៀតក្នុងផែនទី៣ ដោយមានការចូលរួមពី៤កងការពារព្រំដែនលេខ៥០១ ៥០២ ៥០៣ និង៥០៤ នៅថ្ងៃទី២០ ខែវិច្ឆិកា ឆ្នាំ២០១៧ នៅក្នុងទីបញ្ជាការដ្ឋានយោធភូមិភាគទី៥ ដែលមានមេបញ្ជាការ មេបញ្ជាការរងចំនួន២៥នាក់បានមកចូលរួមក្រោមអធិបតីលោកឧត្តមសេនីយ៍ទោ អៀង ផាន មេបញ្ជាការរងយោធភូមិភាគទី៥ ជាប្រធានគណកម្មការប្រឡងប្រណាំងទូទាំងយោធភូមិភាគទី៥ ។
ក្រោយពីតំណាងអង្គភាពនីមួយៗចំនួន៤អង្គភាពបានរាយកាណ៍ពីសកម្មភាពដែលបានអនុវត្តន៍ក្នុងឆមាសទី២ ផែនទី៣ ក្នុងឆ្នាំ២០១៧ ដែលបានផ្តោតលើការរាយការណ៍តាមរបាយការណ៍ការអនុវត្តន៍ជាក់ស្តែងក្នុងការពង្រឹងការងារក្នុងអង្គភាពកិច្ចការងារការពារព្រំដែន ការចងសម្ព័ន្ឋមេត្រីភាព រួមកិច្ចសហប្រតិបត្តការជាមួយប្រទេសជិតខាង(ថៃ) ការកសាងសមិទ្ឋិផលនានាដែលបានកសាងនៅក្នុងអង្គភាព ការធានាជីវភាពកងទ័ព និងគ្រួសារកងទ័ព ការហ្វឹកហ្វឺនអបរំចិត្តសាស្ត្រ សិលធម៌ គោរពបទបញ្ជាផ្ទៃក្នុង រៀនសូត្រតាមបែបបច្ចេកវិទ្យានៅក្នុងអង្គភាព និងស្វែងយល់បទពិសោធន៍ ពីអង្គភាពមួយទៅអង្គភាពមួយទៀតតាមរយះទស្សនះកិច្ចសិក្សាដើម្បីរកការរីកចំរើនក្នុងអង្គភាពបន្ថែមទៀតរួចមកគណកម្មការប្រឡងប្រណាំងបានវាយតម្លៃលេខ១ បានទៅលើកងការពារព្រំដែនលេខ៥០១ លេខ២ បានទៅលើកងការពារព្រំដែនលេខ៥០២ លេខ៣ បានទៅលើកងការពារព្រំដែនលេខ៥០១ លេខ៤ បានទៅលើកងារពារព្រំដែនលេខ៥០៤ ។
លោកឧត្តមសេនីយ៍ទោ អៀង ផាន មេបញ្ជាការរងយោធភូមិភាគទី៥ បានបញ្ជាក់ថា នេះជាភាពជឿនលឿននៅក្នុងអង្គភាពទាំងអស់ដែលបានពិន្ទុល្អទាំងអស់គ្នា ហើយក៏ជាគំរូសម្រាប់ទៅភូមិភាគផ្សេងៗទៀតនៅក្នុងព្រះរាជាណាចក្រកម្ពុជា ហើយរាល់ការវាយតម្លៃ ដាក់ពិន្ទុគឺគណកម្មការបានដាក់ឲ្យទៅតាមការគោរពតាមបទបញ្ញត្តិ ទៅតាមលទ្ឋផលការងារ និងសកម្មភាពដែលមានជាស្នាដៃបានលើកកន្លងមកនេះរយពេល៩ខែក្នុងឆ្នាំ២០១៧ និងរាល់ការវាយតម្លៃគឺជាគន្លឹះមួយជួយជំរុញឲ្យកងកម្លាំងទាំងអស់គ្រប់តាមបណ្តាអង្គភាពអនុវត្តន៍ការងារឲ្យមានប្រសិទ្ឋិភាព ប្រកបដោយគុណភាពនៅក្នុងអង្គភាពនិមួយៗរៀងខ្លួន សំខាន់ផ្តោតលើការអនុវត្តន៍បន្តបន្ថែមទៀតដើម្បីពង្រឹងបន្តឆ្ពោះទៅឆ្នាំ២០១៨ឲ្យកាន់តែមានគុណភាពខ្ពស់ក្នុងជួរកងទ័ពសម្រាប់បំរើ ការពារ កសាងប្រទេសជាតិមាតុភូមិកម្ពុជាយើងជាបន្តទៅទៀត ៕
ចែករំលែកព័តមាននេះ