ខេត្តបាត់ដំបង ៖ កិច្ចប្រជុំដាក់ផែនការ ការពារទីតាំងរបស់យោធភូមិភាគទី៥បានប្រជុំនាព្រឹកថ្ងៃទី២១ ខែវិច្ឆិកា ឆ្នាំ២០១៧ក្រោមអធិបតីភាពលោកឧត្តមសេនីយ៍ទោ ឯក សំអូន មេបញ្ជាការរង នាយសេនាធិការយោធភូមិភាគទី៥…
ខេត្តបាត់ដំបង ៖ កិច្ចប្រជុំដាក់ផែនការ ការពារទីតាំងរបស់យោធភូមិភាគទី៥បានប្រជុំនាព្រឹកថ្ងៃទី២១ ខែវិច្ឆិកា ឆ្នាំ២០១៧ក្រោមអធិបតីភាពលោកឧត្តមសេនីយ៍ទោ ឯក សំអូន មេបញ្ជាការរង នាយសេនាធិការយោធភូមិភាគទី៥ ដោយមាននាយទាហានដែលពាក់ព័ន្ធចំណុះយោធភូមិភាគ២៥នាក់ បានមកចូលរួមទទួលផែនការនៅទីបញ្ជាការដ្ឋានយោធភូមិភាគទី៥ ក្រុងបាត់ដំបង។
មេបញ្ជាការជំនាញពាក់ព័ន្ធសន្តិសុខ លើចំណុចគោលដៅសំខាន់ៗ ត្រូវឈរជើងពង្រឹងសណ្តាប់ធ្នាប់ ការពារសន្តិសុខសង្គម កុំឲ្យកើតមានបន្ទាប់ពីមានសភាពការណ៍នយោបាយមិនល្អនៅក្នុងប្រទេសកម្ពុជារួចមក ។
លោកឧត្តមសេនីយ៍ទោ ឯក សំអូនបានថ្លែងថា ក្រោយសាលដីការបស់តុលាការកំពូលកម្ពុជា រំលាយគណបក្សសង្គ្រោះជាតិកាលពីថ្ងៃទី១៦ ខែវិច្ឆិកា ឆ្នាំ២០១៧ រួចបក្សប្រឆាំង និងគូកនក្នុង-ក្រៅប្រទេសរិះរកគ្រប់វិធីឃោសនាញុះញង់ មួលបង្កាច់ ចោទប្រកាន់ និងរៀបចំយុទ្ធសាស្ត្រតាមគ្រប់រូបភាព ដើម្បីរក្សាប្រជាប្រិយ៍ភាព និងការគាំទ្រពីមហាជន ក្នុងគោលដៅផ្តួលរំលំរាជរដ្ឋាភិបាលតាមរយៈបដិវត្តន៍ពណ៌ ដោយសហការយ៉ាងជិតស្និទជាមួយពួកប្រតិកិរិយាក្នុង-ក្រៅប្រទេស ឲ្យមានសកម្មភាពនៅក្នុងប្រទេសកម្ពុជា ។
ក្នុងអង្គប្រជុំនោះបានលើកឡើងពីការបែងចែកកម្លាំងដែលអាជ្ញាធរមូលដ្ឋានបានក្តាប់សភាពការណ៍បានរួច និងដាក់ផែនការណ៍ទប់ស្កាត់ការរំខានសន្តិសុខដល់ប្រជាជន ។ លោកឧត្តមសេនីយ៍ទោបានបន្ថែមទៀតថា ដើម្បីរក្សាសន្តិសុខបន្តកុំឲ្យកើតមាននៅលើប្រទេសកម្ពុជាយើកំពុងទទួលបានសុខសន្តិភាពពិតប្រាកដដែលប្រមាណជិត២០ឆ្នាំមកហើយនេះ ៕
ចែករំលែកព័តមាននេះ