រាជធានីភ្នំពេញ ៖ បុរសជនជាតិស្បែកខ្មៅ២នាក់ជាជនជាតិនីហ្សេរីយ៉ា និងស្ត្រីខ្មែរម្នាក់ផង កាលពីរសៀលថ្ងៃទី១៩ វិច្ឆិកា ត្រូវបានកម្លាំងសមត្ថកិច្ចនៃមន្ទីរប្រឆាំងគ្រឿងញៀនក្រសួងមហាផ្ទៃ ចាប់បញ្ជូនទៅកាន់សាលាដំបូងរាជធានីភ្នំពេញ ពាក់ព័ន្ធករណីជួញដូរដោយខុសច្បាប់នូវសារធាតុញៀនជាង២គីឡូក្រាម។ មន្ត្រីនគរបាលមន្ទីរប្រឆាំងគ្រឿងញៀន…
រាជធានីភ្នំពេញ ៖ បុរសជនជាតិស្បែកខ្មៅ២នាក់ជាជនជាតិនីហ្សេរីយ៉ា និងស្ត្រីខ្មែរម្នាក់ផង កាលពីរសៀលថ្ងៃទី១៩ វិច្ឆិកា ត្រូវបានកម្លាំងសមត្ថកិច្ចនៃមន្ទីរប្រឆាំងគ្រឿងញៀនក្រសួងមហាផ្ទៃ ចាប់បញ្ជូនទៅកាន់សាលាដំបូងរាជធានីភ្នំពេញ ពាក់ព័ន្ធករណីជួញដូរដោយខុសច្បាប់នូវសារធាតុញៀនជាង២គីឡូក្រាម។
មន្ត្រីនគរបាលមន្ទីរប្រឆាំងគ្រឿងញៀន បានឲ្យដឹងថា ការចាប់ខ្លួនបុរសជនជាតិស្បែកខ្មៅ២នាក់ និងស្ត្រីខ្មែរម្នាក់ ត្រូវបានធ្វើឡើងតាំងពីថ្ងៃទី១៥រហូតដល់ថ្ងៃទី១៨ វិច្ឆិកា ដោយកម្លាំងសមត្ថកិច្ចជំនាញការិយាល័យទី១នៃមន្ទីរប្រឆាំងគ្រឿងញៀនសហការជាមួយមន្ត្រីគយរដ្ឋាករប្រចាំនៅអាកាសយានដ្ឋានអន្តរជាតិភ្នំពេញ បានបង្ក្រាបករណីជួញដូរនិងដឹកជញ្ជូនឆ្លងដែនដោយខុសច្បាប់នូវសារធាតុញៀនពីប្រទេសបែលហ្សុិក មកកម្ពុជា តាមរយៈក្រុមហ៊ុនមួយដោយលួចលាក់បង្កប់ក្នុងកញ្ចប់បញ្ញើ ។
នៅក្នុងប្រតិបត្តិការនោះសមត្ថកិច្ចបានធ្វើការឃាត់ខ្លួនជនសង្ស័យចំនួន៣នាក់គឺ បុរសស្បែកខ្មៅ២នាក់ និងស្ត្រីខ្មែរម្នាក់ ព្រមទាំងដកហូតថ្នាំញៀនជាង២គីឡូក្រាម នៅចំណុចមុខស្ថានីយប្រេងឥន្ធនតេលា តាមផ្លូវលេខ១៧១ ក្នុងសង្កាត់ស្ទឹងមានជ័យ ខណ្ឌមានជ័យ និងនៅចំណុចបន្ទប់ជួលលេខ2F18 សង្កាត់ភ្នំពេញថ្មី ខណ្ឌសែនសុខ ។
បុរសនីហ្សេរីយា៉ទាំងពីរនាក់នោះ១-ឈ្មោះ ONU ABEL MICHAEL អាយុ៣៩ឆ្នាំ (អ្នកបញ្ជា) ២-ឈ្មោះ OKEKE SABINUS CHIMANKPA អាយុ៣៤ឆ្នាំ (អ្នកសមគំនិត) និង៣ឈ្មោះ មាស វាសនា ភេទស្រី អាយុ៣៧ឆ្នាំ ជនជាតិខ្មែរ (អ្នកទទួលកញ្ចប់បញ្ញើពីក្រុមហ៊ុន) ។
សេចក្តីរាយការណ៍បានបញ្ជាក់ថា ថ្នាំញៀនដែលសមត្ថកិច្ចរឹបអូសបាននោះជាប្រភេទអុិចស្តាស៊ី(MDMA) ចំនួន៥០០៦គ្រាប់ ស្មើនឹងទម្ងន់ ២០៥៤,៣៨ក្រាម រួមនឹងសម្ភារមួយចំនួនទៀត ៕
ចែករំលែកព័តមាននេះ