បើដល់ម្លឹងមែន! គេចោទថា ចោរចាប់ចោរ
- តាកែវ
ខេត្តតាកែវ ៖ លោកស័ក្កិ៤ ប៉ិច វណ្ណា អធិការរងនគរបាលស្រុកទ្រាំង ខេត្តតាកែវ រងការចោទប្រកាន់ពីគ្រួសារជនសង្ស័យថា ស៊ីដាច់ទូរស័ព្ទ iPhone…
ខេត្តតាកែវ ៖ លោកស័ក្កិ៤ ប៉ិច វណ្ណា អធិការរងនគរបាលស្រុកទ្រាំង ខេត្តតាកែវ រងការចោទប្រកាន់ពីគ្រួសារជនសង្ស័យថា ស៊ីដាច់ទូរស័ព្ទ iPhone…
ខេត្តតាកែវ ៖ លោកស័ក្កិ៤ ប៉ិច វណ្ណា អធិការរងនគរបាលស្រុកទ្រាំង ខេត្តតាកែវ រងការចោទប្រកាន់ពីគ្រួសារជនសង្ស័យថា ស៊ីដាច់ទូរស័ព្ទ iPhone 6Plus មួយគ្រឿង តម្លៃជាង៩០០ដុល្លារ និងលុយ៤០ម៉ឺនរៀល នាពេលកន្លងទៅនេះក្នុងករណីចុះបង្ក្រាបគ្រឿងញៀនមួយនៅក្នុងក្រុងដូនកែវ។
ប្រភពពីគ្រួសារជនរងគ្រោះបានប្រាប់តាមរយៈទូរស័ព្ទថា លោកអធិការងខាងលើបានយកទូរស័ព្ទ iPhone 6Plus មួយគ្រឿង តម្លៃជាង៩០០ដុល្លារ និងលុយ៤០ម៉ឺនរៀល ពីកូនគាត់ដែលត្រូវបានចាប់ខ្លួនទាក់ទិននឹងករណីខាងលើនេះ ។ ប្រភពបានបន្តថា ពេលចាប់ខ្លួនជនសង្ស័យបានហើយ លោកអធិការងរូបនេះបានដកហូតយកទូរស័ព្ទនេះបោះចូលក្នុងឡាន ហើយបានសួរទៅជនសង្ស័យថា មានមាស មានប្រាក់អីទេ ។
ជនសង្ស័យឆ្លើយថា អត់មានទេ បន្ទាប់ពីដកយកទូរស័ព្ទរួចហើយ ក្នុងនោះក៏មានទូរស័ព្ទ N ចុចពិលមួយផងដែរ ។ ពេលដែលគ្រួសារជនសង្ស័យសួររកទូរស័ព្ទ និងលុយ លោក ប៉ិច វណ្ណា អធិការងបានប្រាប់ថា លុយចែកកូនចៅចាយអស់ហើយ ព្រោះកូនចៅច្រើន ហើយទូរស័ព្ទលោកប្រាប់ថា ចាំរកមើលឲ្យ តែមកដល់ពេលនេះគ្រួសារជនសង្ស័យនៅមិនទាន់ទទួលបានទូរស័ព្ទដែលបាត់នោះនៅឡើយទេ ប៉ុន្តែនៅពេលដែលដកហូតនោះលោកអធិការរងនេះបាននិយាយថា ទូរស័ព្ទនេះយកទុកឲ្យកូនអញប្រើ ។
គួរំលឹកផងដែរថា កាលពីថ្ងៃទី១៩ ខែកញ្ញា ឆ្នាំ២០១៧ វេលាម៉ោង១៤និង៣០នាទីរសៀលកន្លងទៅនេះ មុនបុណ្យភ្ជុំធំនៅជិតផ្សារណាត់តាកែវ លោកអធិការងនគរបាលស្រុកទ្រាំងបានចុះសហការជាមួយនគរបាលក្រុងដូនកែវ បង្ក្រាបករណីចែកចាយគ្រឿងដោយឃាត់ខ្លួនជនសង្ស័យម្នាក់ និងបានដកហូតគ្រឿងញៀន១កញ្ចប់ ទូស័ព្ទដែម៉ាកអាយហ្វូន១គ្រឿង ព្រមទាំងលុយ៤០ម៉ឺនរៀល និងម៉ូតូ១គ្រឿង ។ ក្រោយពីចាប់ខ្លួនរួចលោក ប៉ិច វណ្ណា បានបញ្ជូនជនសង្ស័យ និងវត្ថុតាងទៅកសាងសុំណុំរឿងទៅអធិការដ្ឋាននគរបាលស្រុកទ្រាំង រួចបញ្ជូនបន្តមកកាន់ការិយាល័យប្រឆាំងការជួញដូគ្រឿងញៀនខេត្ត ដើម្បីកសាងសំណុំរឿងបញ្ជូនទៅសាលាដំបូងខេត្តកាត់ទោសទៅតាមច្បាប់។
បើតាមលោកអធិការរងខាងលើបានប្រាប់ឲ្យដឹងតាមទូរស័ព្ទនៅព្រឹកថ្ងៃទី២០ វិច្ឆិកានេះថា វត្ថុតាងទាំងអស់លោកបានបញ្ជូនទៅការិយាល័យជំនាញអស់ហើយ ប៉ុន្តែខាងការិយាល័យជំនាញនៃស្នងការរដ្ឋាននគរបាលខេត្តបានប្រាប់ឲ្យដឹងតាមរបាយការណ៍សរសេរថា ទូរស័ព្ទ០៣គ្រឿង តែមិនបានសរសេថាម៉ាកអ្វីនោះទេ រួមនឹងគ្រឿងញៀន និងប្រដាប់សម្រាប់ជក់ប៉ុណ្ណោះ ហើយទូរស័ព្ទដែលបញ្ជូនមកប្រើមិនកើតទាំងអស់ ។ ការិយាល័យជំនាញបានបន្តថា ស្រុកគេដកយកអស់ហើយ ហើយគេទិញតែទូរស័ព្ទអន់ៗ ខូចៗដាក់មកប៉ុណ្ណោះ ។ ប៉ូលិសតូចតាចម្នាក់ដែលដឹងហេតុការនោះបានបង្ហើបឲ្យដឹងថា គេយកលក់អស់ហើយ បើមិនដូច្នេះគឺយកប្រើតែម្តង ។
សូមបញ្ជាក់ថា គ្រួសារជនសង្ស័យមិនសុខចិត្តទេ ដែលគេធ្វើបាបគ្រួសារគាត់ទាំងគាត់ខ្វះមុខខ្វះក្រោយផងនោះ ចំពោះការចាប់ខ្លួនកូនគាត់ក៏ចាប់ទៅចុះ តែសូមឲ្យសងរបស់ទាំងអស់នោះឲ្យគាត់វិញ ។ គ្រួសារជនសង្ស័យក៏បានស្នើឲ្យលោកឧត្តមសេនីយ៍ទោ សុខ សំណាង ស្នងការនគបាលខេត្តជួយរកយុត្តិធម៌ជូនពួកគាត់ផង៕
ចែករំលែកព័តមាននេះ