ចិន ៖ តាមប្រភពព័ត៌មាន Daily Mail បានឲ្យដឹងថា ប្តីប្រពន្ធពីរនាក់ដែលរស់នៅភូមិដាច់ស្រយាលនៅខេត្តហ៊ូណាន បានស៊ីស្មៅនៅតាមចិញ្ចើមផ្លូវ ដើម្បីឲ្យគេផ្តល់ប្រាក់ជួយព្យាបាលកូនរបស់ខ្លួន។ ស្ត្រីជាប្រពន្ធឈ្មោះ…
ចិន ៖ តាមប្រភពព័ត៌មាន Daily Mail បានឲ្យដឹងថា ប្តីប្រពន្ធពីរនាក់ដែលរស់នៅភូមិដាច់ស្រយាលនៅខេត្តហ៊ូណាន បានស៊ីស្មៅនៅតាមចិញ្ចើមផ្លូវ ដើម្បីឲ្យគេផ្តល់ប្រាក់ជួយព្យាបាលកូនរបស់ខ្លួន។
ស្ត្រីជាប្រពន្ធឈ្មោះ Weiling បានប្រាប់ថា នាង និងប្តីរបស់នាងឈ្មោះ Nengyong អស់លទ្ធភាពក្នុងការរកលុយព្យាបាលកូនកើតជំងឺមហារីកឈាមទៀតហើយ។ នាង និងប្តីបានអង្គុយលុតជង្គង់ឲ្យអ្នកផងហុចលុយឲ្យ។ ពេលគេឲ្យលុយ នាង និងប្តីនឹងស៊ីស្មៅឲ្យគេអាណិត។
មុននឹងជ្រើសរើសយកវិធីនេះ ពួកគេបានដើរខ្ចីលុយគ្រប់ទិសទីហើយ។ នាពេលនេះ ជំពាក់គេក៏ជំពាក់ អស់លុយក៏អស់លុយ។ មានតែផ្លូវម្យ៉ាងគត់ គឺធ្វើបែបនេះ។
កូនប្រុសដែលមានជំងឺធ្លាប់បានវះកាត់ប្តូរខួរឆ្អឹងខ្នងម្តងហើយ តែក្រោយមកក៏ឈឺសួត។ ជំងឺកាន់តែទ្រុឌទ្រោម ស្របពេលនឹងប្រាក់កំពុងតែហៅលែងលឺ។ តាំងពីព្យាបាលមក ប្តីប្រពន្ធពីរនាក់ខាងលើ បានចំណាយប្រាក់ជិត១២ម៉ឺនដុល្លារ។ ទោះបីជាកូនប្រុសធ្លាប់ប្រាប់ឲ្យឈប់ព្យាបាលក៏ដោយ ក៏ទឹកចិត្តជាម្តាយឪពុកនៅតែព្យាយាម ទោះត្រូវស៊ីស្មៅក៏ដោយ៕
ចែករំលែកព័តមាននេះ