រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិចមានករណីឃាតកម្មសម្លាប់ក្មេងប្រុសម្នាក់នៅវាលស្រែ ហេតុការណ៍បង្កឱ្យមានការភ្ញាក់ផ្អើលកាលពីវេលាម៉ោង៤និង៥០នាទីល្ងាច ថ្ងៃទី២០ ខែវិច្ឆិកា ឆ្នាំ២០១៧ ស្ថិតក្នុងភូមិអន្លង់គង សង្កាត់ព្រៃស…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិចមានករណីឃាតកម្មសម្លាប់ក្មេងប្រុសម្នាក់នៅវាលស្រែ ហេតុការណ៍បង្កឱ្យមានការភ្ញាក់ផ្អើលកាលពីវេលាម៉ោង៤និង៥០នាទីល្ងាច ថ្ងៃទី២០ ខែវិច្ឆិកា ឆ្នាំ២០១៧ ស្ថិតក្នុងភូមិអន្លង់គង សង្កាត់ព្រៃស ខណ្ឌដង្កោ រាជធានីភ្នំពេញ ដោយជនសង្ស័យត្រូវបានឃាត់ខ្លួនភ្លាមៗ ។
សេចក្តីរាយការណ៍បន្តថា ជនសង្ស័យខាងលើឈ្មោះ វ៉ា រដ្ឋា ភេទប្រុស អាយុ៣០ឆ្នាំ មានទីលំនៅក្នុងភូមិអន្លង់គង សង្កាត់ព្រៃស ខណ្ឌដង្កោ (ដែលអ្នកភូមិថាបែកថ្នាំ) និងជនរងគ្រោះឈ្មោះ លន ទុន ភេទប្រុស អាយុ១៣ឆ្នាំ មានទីលំនៅក្នុងភូមិ-ឃុំជាមួយគ្នា។
បើតាមប្រភពពីកន្លែងកើតហេតុបានឱ្យដឹងថា មុនពេលកើតហេតុ ក្មេងប្រុសរងគ្រោះត្រូវបានម្តាយប្រើឱ្យទៅឃ្វាលគោនៅវាលស្រែកន្លែងកើតហេតុខាងលើ ខណៈពេលកំពុងឃ្វាល ស្រាប់តែលេចមុខជនដៃដល់ដែលបែកថ្នាំមកដេញវាយសម្លាប់ក្មេងប្រុសរងគ្រោះ និងចាប់ជ្រមុជទឹករហូតដល់ស្លាប់តែម្តង ពេលនោះអ្នកភូមិមិនអាចជួយទាន់ពេលវេលានោះទេ ព្រោះស្ថិតនៅឆ្ងាយពេក ។ ក្រោយពេលកើតហេតុ អ្នកភូមិបាននាំគ្នាដេញតាមជនសង្ស័យរហូតចាប់បាន រួចនាំយកទៅប្រគល់ព្រហ្មទណ្ឌតែម្តង ។
ចែករំលែកព័តមាននេះ