ខេត្តកណ្ដាល ៖ អ្នកដំណើរម្នាក់បានរងរបួសធ្ងន់ និង១៣នាក់ទៀត រងរបួសមធ្យម ខណៈពួកគេជិះរថយន្ត ក៏មានរថយន្តដឹកទំនិញធុនធំម៉ាកហ៊ីយ៉ាន់ដាយ១គ្រឿងទៀតបើកយ៉ាងលឿន ក្នុងទិសដៅបញ្ច្រាសទិសគ្នា រួចបានជែងរថយន្តដែលនៅខាងមុខ បណ្ដាលឱ្យរេចង្កូត…
ខេត្តកណ្ដាល ៖ អ្នកដំណើរម្នាក់បានរងរបួសធ្ងន់ និង១៣នាក់ទៀត រងរបួសមធ្យម ខណៈពួកគេជិះរថយន្ត ក៏មានរថយន្តដឹកទំនិញធុនធំម៉ាកហ៊ីយ៉ាន់ដាយ១គ្រឿងទៀតបើកយ៉ាងលឿន ក្នុងទិសដៅបញ្ច្រាសទិសគ្នា រួចបានជែងរថយន្តដែលនៅខាងមុខ បណ្ដាលឱ្យរេចង្កូត ជ្រុលទៅបុករថយន្តពួកគេតែម្តង ។ បន្ទាប់មក អ្នកបើកបររថយន្តបង្ក ដែលមិនបានរងរបួសនោះបានចុះរត់គេចខ្លួនបាត់ស្រមោល ។
ហេតុការណ៍ដ៏រន្ធត់នេះ កើតឡើងកាលពីវេលាម៉ោង១២ថ្ងៃត្រង់ថ្ងៃទី២០ វិច្ឆិកា ស្ថិតនៅលើកំណាត់ផ្លូវជាតិលេខ៤ ត្រង់ចំណុចភូមិជ្រៃមង្គល ឃុំដំណាក់អំពិល ស្រុកអង្គស្នួល ខេត្តកណ្ដាល ។
រថយន្តបង្កគ្រោះថ្នាក់នេះ ប្រភេទហ៊ីយ៉ាន់ដាយ ពណ៌ក្រហម ពាក់ស្លាកលេខភ្នំពេញ3B-8815 អ្នកបើកបរបានរត់គេចខ្លួនបាត់ស្រមោល មិនត្រូវបានគេស្គាល់ឈ្មោះទេ ។ចំណែករថយន្តរងគ្រោះ ម៉ាកអេសសាំយ៉ុង ពណ៌.ស មានអ្នកជិះនៅលើនោះម្នាក់រងរបួសធ្ងន់ និង១៣នាក់ទៀត រងរបួសមធ្យមនិងស្រាល និងត្រូវបានបញ្ជូនទៅកាន់មន្ទីរពេទ្យដើម្បីសង្គ្រោះបន្ទាន់ភ្លាមៗដែរ។
កម្លាំងនគរបាលចរាចរស្រុកអង្គស្នួល បានចុះទៅអន្តរាគមន៍វាស់វែង និងនាំយករថយន្តទាំង២គ្រឿងទៅរក្សាទុកនៅអឌិការដ្ឋាននគរបាលចរាចរស្រុករង់ចាំការដោះស្រាយនៅពេលក្រោយ ៕
ចែករំលែកព័តមាននេះ