ក្រុងសៀមរាប ៖ នាថ្ងៃទី១៨ ខែវិច្ឆិកា ឆ្នាំ២០១៧ ក្រុមការងារចម្រុះដឹកនាំដោយលោក សូរប្លាតុង អភិបាលក្រុងសៀមរាបបានចុះរុះរើទំលាក់ស្លាកគណបក្សសង្គ្រោះជាតិចោលទាំងអស់ហើយ សរុបចំនួន៧០ស្លាកនៅក្នុង១២សង្កាត់ទូទាំងក្រុងសៀមរាប ក្រោយពីតុលាការកំពូល…
ក្រុងសៀមរាប ៖ នាថ្ងៃទី១៨ ខែវិច្ឆិកា ឆ្នាំ២០១៧ ក្រុមការងារចម្រុះដឹកនាំដោយលោក សូរប្លាតុង អភិបាលក្រុងសៀមរាបបានចុះរុះរើទំលាក់ស្លាកគណបក្សសង្គ្រោះជាតិចោលទាំងអស់ហើយ សរុបចំនួន៧០ស្លាកនៅក្នុង១២សង្កាត់ទូទាំងក្រុងសៀមរាប ក្រោយពីតុលាការកំពូល បានកាត់ទោសរំលាយគណបក្សនេះចោល ។
សូមបញ្ជាក់ថា នៅក្នុងក្រុងសៀមរាបមិនមានសល់ស្លាកបក្សសង្គ្រោះជាតិដាក់បង្ហាញទៀតទេ ស្លាកដែលរុះរើ និងទំលាក់រួចត្រូវបានយកមករក្សាទុកនៅប៉ុស្តិ៍នគរបាលរដ្ឋបាលទាំង១២សង្កាត់ក្នុងក្រុងសៀមរាប ។ ការទម្លាក់ និងរុះរើទម្លាក់ស្លាកនេះបានធ្វើឡើងបន្ទាប់ពីតុលាការកំពូលបានកាត់ទោសរំលាយគណបក្សសង្គ្រោះជាតិហើយក្រសួងមហាផ្ទៃបានប្រកាសលុបឈ្មោះគណបក្សនេះចេញពីបញ្ជីគណបក្សនយោបាយ ព្រមទាំងបង្គាប់ឲ្យអាជ្ញាធរគ្រប់រាជធានីខេត្ត ចុះអនុវត្ដសាលដីកាទម្លាក់ស្លាក, បដា និងពាក្យស្លោកផ្សេងៗ របស់គណបក្សសង្គ្រោះជាតិទូទាំងប្រទេស ។
គួរបញ្ជាក់ថា នៅល្ងាចថ្ងៃទី១៦ ខែវិច្ឆិកា ឆ្នាំ២០១៧ តុលាការកំពូលរបស់កម្ពុជាបានប្រកាសសាលដីកាសម្រេចឲ្យរំលាយគណបក្សសង្គ្រោះជាតិ ចាប់ពីថ្ងៃចេញដីកានេះតទៅ ដោយសារតែគណបក្សនេះបានប្រព្រឹត្តអំពើក្បត់ជាតិជាប្រព័ន្ធឃុបឃិតជាមួយបរទេសក្នុងគោលដៅផ្តួលរំលំរាជរដ្ឋាភិបាលស្របច្បាប់របស់កម្ពុជា ។ ជាមួយគ្នានេះ តុលាការកំពូលក៏បានប្រកាសហាមឃាត់ដល់មន្ត្រីថ្នាក់ដឹកនាំ គណបក្សសង្គ្រោះជាតិចំនួន១១៨នាក់មិនឲ្យធ្វើនយោបាយរយៈពេល៥ឆ្នាំផងដែរ ៕
ចែករំលែកព័តមាននេះ