ខេត្តកំពង់ឆ្នាំង ៖ នៅសាលាក្រុងកំពង់ឆ្នាំង ព្រឹកថ្ងៃទី២០ ខែវិច្ឆិកា ឆ្នាំ២០១៧ មានរៀបចំពិធីប្រកាសផ្ទេរភារកិច្ច និងតែងមុខតំណែងអភិបាល អភិបាលរងក្រុងកំពង់ឆ្នាំង ក្រោមអធិបតីភាព…
ខេត្តកំពង់ឆ្នាំង ៖ នៅសាលាក្រុងកំពង់ឆ្នាំង ព្រឹកថ្ងៃទី២០ ខែវិច្ឆិកា ឆ្នាំ២០១៧ មានរៀបចំពិធីប្រកាសផ្ទេរភារកិច្ច និងតែងមុខតំណែងអភិបាល អភិបាលរងក្រុងកំពង់ឆ្នាំង ក្រោមអធិបតីភាព លោក ឈួរ ច័ន្ទឌឿន អភិបាលខេត្តកំពង់ឆ្នាំង ដោយមានការចូលរួមពីមន្ត្រីពីមន្រីរាជការ មេបញ្ជាការ កងកម្លាំងប្រដាប់អាវុធ លោកស្នងការ និងមន្ត្រីសាលាក្រុងជាច្រើនរូបបទៀត ។
លោក ឱម សុភា នាយករដ្ឋបាកសាលាខេត្តកំពង់ឆ្នាំង បានអានប្រកាសផ្ទេរភារកិច្ចដែលត្រូវបានផ្ទេរលោក យិន សាវេន អភិបាលស្រុកជលគីរី តែងតាំងមកជា អភិបាលក្រុងកំពង់ឆ្នាំង និងត្រូវបានផ្ទេរភារកិច្ច លោក ហៃ មនោរម្យ ផ្ទេរពីអភិបាលក្រុងកំពង់ឆ្នាំង តែងតាំងជាអភិបាលស្រុកជលគីរីវិញ ។ ក្នុងឱកាសនោះដែរ លោក ឈួរ ច័ន្ទឌឿន បានមានប្រសាសន៍ថា ការផ្លាស់ប្តូរផ្ទេរភារកិច្ច គឺជាក្រឹត្យក្រម និងលក្ខន្តិករបស់មន្ត្រីរាជការ ដែលគ្រប់អាណត្តិ៤ឆ្នាំម្តង ។ ជាមួយគ្នានេះ ក្នុងនាមអាជ្ញាធរខេត្ត សូមអំពាវនាវដល់មន្ត្រីសាលាក្រុងកំពង់ឆ្នាំងទាំងអស់ សូមសាមគ្គីសហការជាមួយអភិបាល អភិបាលរងក្រុងកំពង់ឆ្នាំងថ្មី ដើម្បីកសាងអភិវឌ្ឍន៍ និងកសាងក្រុងកំពង់ឆ្នាំងឲ្យរីកចម្រើន និងអភិវឌ្ឍន៍លើគ្រប់វិស័យ ៕
ចែករំលែកព័តមាននេះ