រាជធានីភ្នំពេញ ៖ នគរបាលព្រហ្មទណ្ឌនៃក្រសួងមហាផ្ទៃ បានធ្វើការឃាត់ខ្លួនជនសង្ស័យម្នាក់ ដែលរំខានសមត្ថកិច្ច និងលួចកៀបលេខវិទ្យុទាក់ទង ដែលជាកត្តាធ្វើឱ្យប៉ះពាល់ដល់សន្តិសុខជាតិយ៉ាងខ្លាំង រួមទាំងសម្ភារមួយចំនួនទៀត ខណៈជនសង្ស័យនេះ ត្រូវបានតាមដានអស់រយៈពេល២ឆ្នាំមកហើយ…
រាជធានីភ្នំពេញ ៖ នគរបាលព្រហ្មទណ្ឌនៃក្រសួងមហាផ្ទៃ បានធ្វើការឃាត់ខ្លួនជនសង្ស័យម្នាក់ ដែលរំខានសមត្ថកិច្ច និងលួចកៀបលេខវិទ្យុទាក់ទង ដែលជាកត្តាធ្វើឱ្យប៉ះពាល់ដល់សន្តិសុខជាតិយ៉ាងខ្លាំង រួមទាំងសម្ភារមួយចំនួនទៀត ខណៈជនសង្ស័យនេះ ត្រូវបានតាមដានអស់រយៈពេល២ឆ្នាំមកហើយ ។
ជនសង្ស័យដែលឃាត់ខ្លួននោះខាងលើ ឈ្មោះ ហុត ផាននិត អាយុ៥០ឆ្នាំ ស្នាក់នៅផ្ទះលេខ៧G ផ្លូវ១៤K ភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ ជាប់ពីបទលួចតាមបច្ចេកវិទ្យាទូរគមនាគមន៍ ។
ថ្លែងនៅក្នុងសន្និសីទកាសែត ខណៈបង្ហាញមុខជនសង្ស័យ កាលពីថ្ងៃទី២០ វិច្ឆិកានេះ ឧត្តមសេនីយ៍ឯក មិន សុវណ្ណា ប្រធាននាយកដ្ឋានវិទ្យុទាក់ទងអគ្គស្នងការដ្ឋាននគរបាលជាតិបានថ្លែងថា ជនសង្ស័យរូបនេះ បានលួចកៀបលេខវិទ្យុទាក់ និងលក់នូវវិទ្យុទាក់ទង ដែលគ្មានច្បាប់អនុញ្ញាតិ ហើយសកម្មភាពខ្លះជនសង្ស័យនេះ បានរំខានសំឡេងផ្សេងៗ ដល់សម្ថកិច្ចជាច្រើនផងដែរតាមរយៈវិទ្យុនោះ។
លោកបន្តថា ជនសង្ស័យនេះ ត្រូវបានសមត្ថកិច្ច និងនិយ័តកម្មវិទ្យុទាក់ទងនៃក្រសួងទូរគមនាគមន៍ធ្វើការតាមដានមុខរកសញ្ញានិងទីតាំង អស់រយៈពេលពីរឆ្នាំមកហើយទើបធ្វើការឃាត់ខ្លួនបាន រួមទាំងរឹបអូសនូវសម្ភារមួយចំនួន ដែលជនសង្ស័យប្រើប្រាស់ផងដែរ។
លោកបន្តទៀតថា នាពេលកន្លងទៅ សមត្ថកិច្ចមានការរំខានជាច្រើនដង ដោយជនសង្ស័យបានធ្វើសំឡេងសត្វតាមរយៈវិទ្យុទាក់ទង ខណៈពេលដែលសមត្ថកិច្ចធ្វើការតាមដាន់មុខសញ្ញាចោរ ចោរឆក់ផ្សេងជាដើមនោះ។ ប៉ុន្តែទោះបីជាយ៉ាងណាក្តី រហូតមកដល់ពេលនេះ សមត្ថកិច្ចធ្វើការឃាត់ខ្លួននូវជនសង្ស័យរូបនេះ ដែលជាមេខ្លោង រួមទាំងនឹងតាមដានស្រាវជ្រាវជនសង្ស័យ ដែលពាក់ព័ន្ធផ្សេងទៀតផងដែរ។
ចែករំលែកព័តមាននេះ