ឥទ្ធិពលព្យុះគីរ៉ូជីលើកម្ពុជា ភ្លៀងនឹងបន្តធ្លាក់នៅខេត្តមួយចំនួន
- ភ្នំពេញ
រាជធានីភ្នំពេញ ៖ ចាប់ពីថ្ងៃទី១៩ ដល់ថ្ងៃទី២០ ខែវិច្ឆិកានេះ ប្រទេសកម្ពុជាមានភ្លៀងធ្លាក់រាយប៉ាយ ហើយខេត្តមួយចំនួន ដូចជាស្វាយរៀង ព្រៃវែង កណ្តាល…
រាជធានីភ្នំពេញ ៖ ចាប់ពីថ្ងៃទី១៩ ដល់ថ្ងៃទី២០ ខែវិច្ឆិកានេះ ប្រទេសកម្ពុជាមានភ្លៀងធ្លាក់រាយប៉ាយ ហើយខេត្តមួយចំនួន ដូចជាស្វាយរៀង ព្រៃវែង កណ្តាល…
រាជធានីភ្នំពេញ ៖ ចាប់ពីថ្ងៃទី១៩ ដល់ថ្ងៃទី២០ ខែវិច្ឆិកានេះ ប្រទេសកម្ពុជាមានភ្លៀងធ្លាក់រាយប៉ាយ ហើយខេត្តមួយចំនួន ដូចជាស្វាយរៀង ព្រៃវែង កណ្តាល តាកែវ កំពង់ស្ពឺ ពោធិ៍សាត់ បាត់ដំបង រាជធានីភ្នំពេញ និងខេត្តនៅតំបន់មាត់សមុទ្រ ក៏មានភ្លៀងធ្លាក់ពីបង្គួរទៅច្រើនផងដែរ។ នេះបើយោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី១៩ វិច្ឆិកានេះ។
សេចក្តីជូនដំណឹងដដែលបានឱ្យដឹងថា ករណីនេះបណ្តាលមកពីព្យុះទី២៥ ឈ្មោះ គីរ៉ូជី បានថយឥទ្ធិពលទៅជាវិសម្ពាធ និងកំពុងស្ថិតនៅក្បែរឆ្នេរសមុទ្រប្រទេសវៀតណាមភាគខាងត្បូង ។ វិសម្ពាធនេះ នឹងបន្តដំណើរមកដល់តំបន់ដីសណ្តរទន្លេមេគង្គ។
ក្រសួងឧត្តុនិយមបានបញ្ជាក់ថា៖ «ផ្ទៃសមុទ្រមេឃមានសភាពអាប់អួរ មានភ្លៀងលាយឡំជាមួយខ្យល់បក់បោកខ្លាំង និងមានរលកសមុទ្រខ្ពស់ៗ»។ ជាមួយគ្នានេះដែរ ក្រសួងបានអំពាវនាវឱ្យពលរដ្ឋ ជាពិសេសប្រជានេសាទ និងអ្នកធ្វើដំណើរតាមសមុទ្របង្កើនការប្រុងប្រយ័ត្នខ្ពស់ ដើម្បីជៀងវាងនូវគ្រោះថ្នាក់ផ្សេងៗដែលអាចកើតឡើងជាយថាហេតុ៕
ចែករំលែកព័តមាននេះ