សណ្តែកដីគឺជាគ្រាប់ធញ្ញជាតិដែលមានតម្លៃថោកបំផុតសម្រាប់មនុស្ស ។ ពួកវាពោរពេញទៅដោយប្រូតេអ៊ីន និងសារធាតុរ៉ែផ្សេងទៀត ។ សណ្តែកដីក៏ជាពពួកសណ្តែកដែលមានជាតិប្រូតេអ៊ីនច្រើន ។ ប្រេងដែលចម្រាញ់ចេញពីសណ្តែកដីក៏អាចយកទៅចំអិនជាមួយម្ហូបផងដែរពីព្រោះវាផ្ទុកនូវបរិមាណខ្លាញ់ដែលល្អចំពោះសុខភាពខ្ពស់ ។ សណ្តែកដីក៏មានអត្ថប្រយោជន៍ជាច្រើនទៀតចំពោះសុខភាព…
សណ្តែកដីគឺជាគ្រាប់ធញ្ញជាតិដែលមានតម្លៃថោកបំផុតសម្រាប់មនុស្ស ។ ពួកវាពោរពេញទៅដោយប្រូតេអ៊ីន និងសារធាតុរ៉ែផ្សេងទៀត ។
សណ្តែកដីក៏ជាពពួកសណ្តែកដែលមានជាតិប្រូតេអ៊ីនច្រើន ។ ប្រេងដែលចម្រាញ់ចេញពីសណ្តែកដីក៏អាចយកទៅចំអិនជាមួយម្ហូបផងដែរពីព្រោះវាផ្ទុកនូវបរិមាណខ្លាញ់ដែលល្អចំពោះសុខភាពខ្ពស់ ។ សណ្តែកដីក៏មានអត្ថប្រយោជន៍ជាច្រើនទៀតចំពោះសុខភាព ។ សូមអានអត្ថបទខាងក្រោមនេះដើម្បីដឹងបន្ថែមទៀត ។
១-បន្ថយកូឡេស្តេរ៉ូលអាក្រក់
សណ្តែកដីជាញឹកញាប់ត្រូវបានគេមិនអើពើដោយសារជាតិប្រេងរបស់វា ។ ប៉ុន្តែការណ៍ពិត វាមានទាំងជាតិប្រេងល្អ និងអាក្រក់ដែលជួយថែរក្សាសុខភាពបេះដូង ។ ពួកវាជួយទប់ស្កាត់មិនឲ្យជាតិកូឡេស្តេរ៉ូលប្រមូលផ្តុំនៅក្នុងសរសៃឈាមអាកទែរ ដូច្នេះវាអាចកាត់បន្ថយហានិភ័យនៃជំងឺគាំងបេះដូង ។
២-បន្ថយហានិភ័យនៃជំងឺដាច់សរសៃឈាមខួរក្បាល
សណ្តែកដីមានជាតិខ្លាញ់ HDL ដែលត្រូវបានគេស្គាល់ថាកូលេស្តេរ៉ូលល្អច្រើន ។ វាក៏ផ្ទុកអាស៊ីតខ្លាញ់អូមេហ្គា៣ដែលល្អចំពោះសុខភាពបេះដូងដែលជួយបន្ថយកូឡេស្តេរ៉ូលអាក្រក់ និងរក្សាសសៃឈាមរបស់យើងឱ្យស្អាត តែសូមជៀសវាងការបរិភោគសណ្តែកដីដែលមានលាយជាតិអំបិល ។
៣-ទប់ស្កាត់ជំងឺក្រួសក្នុងថង់ទឹកប្រមាត់
ជំងឺក្រួសក្នុងថង់ទឹកប្រមាត់កំពុងរីករាលដាលយ៉ាងខ្លាំង ។ មនុស្សភាគច្រើនមិនដឹងថាពួកគេកំពុងមានជំងឺក្រួសក្នុងថង់ទឹកប្រមាត់នោះទេដោយសារតែពួកគេមិនមានរោគសញ្ញាអ្វីទាំងអស់នៅដំណាក់កាលដំបូង ។ ប៉ុន្តែនៅពេលដែលពួកគេត្រូវបានគ្រូពេទ្យធ្វើរោគវិនិច្ឆ័យឃើញថាមានជំងឺក្រួសក្នុងថង់ទឹកប្រមាត់ នោះពួកគេត្រូវតែកាត់វាចោល។
សណ្តែកដីត្រូវបានគេដឹងថាអាចទប់ស្កាត់ជំងឺក្រួសក្នុងថង់ទឹកប្រមាត់ដោយសារតែពួកវាមានជាតិខ្លាញ់ និងកូឡេស្តេរ៉ូលទាបដែល ជារឿយៗជាតិខ្លាញ់ និងកូឡេស្តេរ៉ូលនេះមានតួនាទីសំខាន់ក្នុងការវិវឍ្ឍជាជំងឺទាក់ទងនឹងថង់ទឹកប្រមាត់ ។
៤-ទប់ស្កាត់ការឡើងទម្ងន់
សណ្តែកដីមានជាតិប្រូតេអ៊ីន និងមានកាឡូរីទាប ។ យើងអាចបរិភោគវាមុនពេលបរិភោគអាហារដើម្បីបន្ថយការឃ្លានអាហារ ។ អ្នកក៏អាចបរិភោគសណ្តែកដីនៅពេលអ្នកឃ្លានផងដែរ ហើយអ្នកនឹងអាចគ្រប់គ្រងទម្ងន់ខ្លួនឯងបានដោយសារតែសណ្តែកដីមានកាឡូរីទាប ។
៥-កាត់បន្ថយហានិភ័យនៃជំងឺមហារីកពោះវៀនធំ
សណ្តែកដីមានសារធាតុប្រឆាំងនឹងអុកស៊ីតកម្ម និង polyphenols ខ្ពស់ដែលជាភ្នាក់ងារប្រឆាំងនឹងជំងឺមហារីក និងបន្ថយហានិភ័យនៃជំងឺមហារីកពោះវៀនធំ និងក្រពះ ។
សណ្តែកដីក៏ជួយកាត់បន្ថយការផលិតសារជាតិបង្កជំងឺមហារីក និងបង្ការការបំផ្លាញដោយរ៉ាឌីកាល់សេរីនៅក្នុងរាងកាយរបស់យើង ៕
ចែករំលែកព័តមាននេះ