ប្រទេសអាហ្វហ្គានីស្ថាន ៖ អាជ្ញាធររាយការណ៍ថា មនុស្សយ៉ាងតិច១៤នាក់បានត្រូវស្លាប់កាលពីថ្ងៃទី១៦ វិច្ឆិកា ពេលជនអត្តឃាតម្នាក់ធ្វើឱ្យផ្ទុះគ្រាប់បែករបស់គេនៅខាងក្រៅសាលរៀបអាពាហ៍ពិពាហ៍មួយនាទីក្រុងកាប៊ុល ដែលកំពុងមានកិច្ចប្រជុំនយោបាយមួយ ។
ក្រុមរដ្ឋអ៊ិស្លាមក្នុងសេចក្តីប្រកាសខ្លីមួយតាមរយៈទីភ្នាក់ងារព័ត៌មានឃោសនារបស់គេ AMAQ អះអាងទទួលខុសត្រូវចំពោះការវាយប្រហារនេះ ។
លោក ABDUL BASIR MUJAHID អ្នកនាំពាក្យប៉ូលិសក្រុងកាប៊ុលថ្លែងប្រាប់ AFP ថា ជនអត្តឃាតប៉ុនប៉ងមិនសម្រេចក្នុងការលុកចូលអគារ ហើយក៏ធ្វើឱ្យគ្រឿងផ្ទុះដាក់ជាប់ខ្លួនគេផ្ទុះនៅត្រង់ចំណុចត្រួតពិនិត្យមួយ ។ ប៉ូលិស៨នាក់ និងជនស៊ីវិល៦នាក់បានត្រូវស្លាប់ចំណែកជនស៊ីវិល១៨នាក់ទៀតរងរបួស ។
មុននេះ លោក NAJIB DANISH អ្នកនាំពាក្យក្រសួងមហាផ្ទៃអាហ្វហ្គានីស្ថានលើកពីតុល្យការមួយថា មានមនុស្សស្លាប់៩នាក់ ក្នុងនោះមានប៉ូលិស៧នាក់ និងជនស៊ីវិល២នាក់ ៕
ចែករំលែកព័តមាននេះ