«BBC» កាលពីពេល ថ្មីៗកន្លងមកផ្សាយថា លោកយាយអាយុ៨៣ឆ្នាំ ជនជាតិចិន ជាម្តាយរបស់បុរសពិការអាយុ៤៦ឆ្នាំម្នាក់ យល់ព្រមទទួលកំហុសនៅមុខតុលាការថាបានសម្លាប់កូនប្រុសរបស់ខ្លួន ព្រោះបារម្ភថានៅពេលដែលគាត់ស្លាប់នឹងគ្មាននរណាជួយថែទាំគេ ។ សមត្ថកិច្ចបាននាំខ្លួនលោកយាយហួង…
«BBC» កាលពីពេល ថ្មីៗកន្លងមកផ្សាយថា លោកយាយអាយុ៨៣ឆ្នាំ ជនជាតិចិន ជាម្តាយរបស់បុរសពិការអាយុ៤៦ឆ្នាំម្នាក់ យល់ព្រមទទួលកំហុសនៅមុខតុលាការថាបានសម្លាប់កូនប្រុសរបស់ខ្លួន ព្រោះបារម្ភថានៅពេលដែលគាត់ស្លាប់នឹងគ្មាននរណាជួយថែទាំគេ ។
សមត្ថកិច្ចបាននាំខ្លួនលោកយាយហួង ទៅតុលាការនៅក្រុងក្វាងចូវ ពីបទសម្លាប់កូនប្រុសពិការ ។ លោកយាយហួងបានសារភាពកំហុសថា គាត់បានដាក់ថ្នាំងងុយដេកចំនួន៦០គ្រាប់ឱ្យលោកលី ជាកូនប្រុសកាលពីថ្ងៃទី៩ ឧសភា ២០១៧ រួមទាំងយកក្រណាត់ចងក និងប្រើសម្លីបិទច្រមុះគេ ។
លោកយាយបានផ្តល់ហេតុផលថាលោក លី ជាជនពិការទាំងរាងកាយ និងសតិមិនល្អ មិនអាចនិយាយ ឬដើរបានទេ ប្រសិនបើគាត់ស្លាប់នឹងគ្មាននរណាជួយថែទាំគេ រួមទាំងបញ្ជាក់ថាសុខភាពរបស់គាត់ មិនរឹងមាំល្អ ក្នុងការថែទាំកូនប្រុសពិការបន្តទៀត ។
ស្របពេលជាមួយគ្នានេះ ខាងអយ្យការ បានសាកសួរលោកយាយថា ហេតុអ្វីមិនឱ្យកូនប្រុសច្បងទទួលតួនាទីចិញ្ចឹមបន្ត ? ស្ត្រីចំណាស់រូបនេះឆ្លើយថាគាត់មិនចង់ឲ្យគេធ្លាក់ក្នុងបន្ទុកកូនប្រុសច្បង ។ ចៅក្រមបានសម្រេចថា លោកយាយរូបនេះគួរទទួលក្តីមេត្តាករុណា ទោះបីជាប្រព្រឹត្តខុសក៏ដោយ ។
ករណីនេះធ្វើឱ្យមហាជនរិះគន់ក្នុងទស្សនៈផ្សេងៗគ្នាតាមហ្វេសប៊ុក ប៉ុន្តែអ្វីដែលសំខាន់បំផុតគឺទុក្ខលំបាកសម្រាប់ជនពិការ និងក្រុមគ្រួសារ ។ ពិការភាព ឬការឈឺចាប់ និងស្ថានភាពនៅប្រទេសចិន អាចធ្វើឱ្យក្រុមគ្រួសារបែកបាក់បាន ។ ក្រៅពីនេះមានអ្នកប្រើប្រព័ន្ធអ៊ីនធើរណែតមួយចំនួន និយាយពីបញ្ហាសង្គមកិច្ចមិនអំណោយផលដល់ប្រព័ន្ធធានារ៉ាប់រង ៕
ចែករំលែកព័តមាននេះ