ខេត្តបន្ទាយមានជ័យ ៖ ស្នងការនគរបាលខេត្តបាននាំយកអំណោយចែកជូនដល់កងកម្លាំងការពារសន្តិសុខសណ្តាប់ធ្នាប់ជូនប្រជាពលរដ្ឋនៅយប់ថ្ងៃទី១៦ ខែវិច្ឆិកា ឆ្នាំ២០១៧ នៅតាមបណ្តាស្រុក ក្រុងក្នុងខេត្តបន្ទាយមានជ័យ ។
ក្នុងឱកាសដែលនាំយកអំណោយដល់កម្លាំងនគរបាលដែលកំពុងការពារសន្តិសុខ និងសណ្តាប់ធ្នាប់តាមគោលដៅមានវត្តមានស្នងការរងនៃស្នងការដ្ឋាននគរបាលខេត្តបន្ទាយមានជ័យលោកឧត្តមសេនីយ៍ទោ អាត់ ខែម ស្នងការនគរបាលខេត្តបានប្រាប់ឱ្យដឹងថា ដោយមានការណែនាំពីលោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងដាក់វិធានការពីលោក សួន បវរ អភិបាលខេត្ត និងជាប្រធានគណៈបញ្ជាការកងឯកភាពខេត្តដើម្បីពង្រឹងការងារសន្តិសុខ និងសណ្តាប់ធ្នាប់សាធារណៈជូនប្រជាពលរដ្ឋ ។
លោកបានបញ្ជាក់ថា ជាការយកចិត្តទុកដល់កងកម្លាំងនគរបាលដែលកំពុងអនុវត្តការងារតាមគោលដៅនៅតាមបណ្តាស្រុកក្រុងក្នុងខេត្តបន្ទាយមានជ័យបានដឹកនាំស្នងការរងនគរបាលខេត្ត និងកម្លាំងបាននាំយកអំណោយមានទឹកផ្លែឈើ មី នំប៉័ង ទឹកសុទ្ធ ចែកជូនជាការលើកទុកចិត្តចំពោះកងកម្លាំងដែលកំពុងអនុវត្តការងារ ។ ខណៈដែលនាំយកអំណោយចែកជូនលោកឧត្តមសេនីយ៍ទោ អាត់ ខែម បានក្រើនរំលឹកដល់កងកម្លាំងដែលឈជើងការពារតាមគោលដៅត្រូវយកចិត្តដាក់អនុវត្តតាមបទបញ្ជាកងកម្លាំងនគរបាលជាតិដើម្បីការពារសន្តិសុខ និងសណ្តាប់ធ្នាប់សាធារណៈជូនប្រជាពលរដ្ឋមានសុខសន្តិភាព ៕
ចែករំលែកព័តមាននេះ