រាជធានីភ្នំពេញ ៖ លោក ហ៊ុន ម៉ាណែត ប្រធានក្រុមប្រឹក្សាសមាគមគ្រូពេទ្យស្ម័គ្រចិត្តយុវជនសម្តេចតេជោ បានអញ្ជើញចុះសួរសុខទុក្ខប្រជាពលរដ្ឋ និងពិនិត្យសកម្មភាពវះកាត់ជំងឺភ្នែកដោយឥតគិតថ្លៃព្រឹកថ្ងៃទី១៥ ខែវិច្ឆិកា ឆ្នាំ២០១៧…
រាជធានីភ្នំពេញ ៖ លោក ហ៊ុន ម៉ាណែត ប្រធានក្រុមប្រឹក្សាសមាគមគ្រូពេទ្យស្ម័គ្រចិត្តយុវជនសម្តេចតេជោ បានអញ្ជើញចុះសួរសុខទុក្ខប្រជាពលរដ្ឋ និងពិនិត្យសកម្មភាពវះកាត់ជំងឺភ្នែកដោយឥតគិតថ្លៃព្រឹកថ្ងៃទី១៥ ខែវិច្ឆិកា ឆ្នាំ២០១៧ របស់សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) សហការជាមួយគ្រូពេទ្យស្ម័គ្រចិត្តកូរ៉េ មន្ទីរពេទ្យព្រះអង្គឌួង អង្គការKhmer Sight និងធានាគារភ្នំពេញពាណិជ្ជ ។
លោក ហ៊ុន ម៉ាណែត បានថ្លែងអំណរគុណចំពោះក្រុមគ្រូពេទ្យខ្មែរ ក្រុមគ្រូពេទ្យកូរ៉េ និងផ្នែកដែលពាក់ព័ន្ធទាំងអស់ដែលបានផ្តល់សេវាពិនិត្យ វះកាត់ជំងឺភ្នែកដោយឥតគិតថ្លៃជូនប្រជាពលរដ្ឋ គឺជាការចូលរួមចំណែកជាមួយរាជរដ្ឋាភិបាលក្នុងការរួមចំណែកយកចិត្តទុកដាក់ចំពោះសុខទុក្ខ និងលើកកម្ពស់សុខមាលភាពប្រជាពលរដ្ឋ ។
តាមការបញ្ជាក់របស់តំណាងក្រុមគ្រូពេទ្យ លោកវេជ្ជបណ្ឌិត ស៊ូ ស៊ីផាណ្ណាបានឲ្យដឹងថា គោលបំណងនៃសកម្មភាពមនុស្សធម៌ គឺផ្តល់ពន្លឺជីវិតថ្មីជូនប្រជាពលរដ្ឋតាមរយៈការវះកាត់ជំងឺភ្នែកដោយឥតគិតថ្លៃដោយមានសហការរវាងសមាគម TYDA ស្ថាប័នមនុស្សធម៌ចំនួន០៦ផ្សេងទៀត ៕
ចែករំលែកព័តមាននេះ