ខេត្តព្រះសីហនុ ៖ គណៈកម្មការសុវត្ថិភាពចរាចរណ៍ផ្លូវគោកខេត្តព្រះសីហនុសហការជាមួយមន្ទីរសាធារណៈការ និងដឹកជញ្ជូនខេត្តបន្តចុះផ្សព្វផ្សាយ អប់រំច្បាប់ចរាចរណ៍ផ្លូវគោក និងចែកមួកសុវត្ថិ ភាពជូនប្រជាពលរដ្ឋ សិស្នុសិស្សក្នុងគោលដៅកាត់បន្ថយគ្រោះថ្នាក់ចរាចរណ៏ ក៏ដូចជា បន្ថយហានិភ័យក្នុងសង្គមគ្រួសា…
ខេត្តព្រះសីហនុ ៖ គណៈកម្មការសុវត្ថិភាពចរាចរណ៍ផ្លូវគោកខេត្តព្រះសីហនុសហការជាមួយមន្ទីរសាធារណៈការ និងដឹកជញ្ជូនខេត្តបន្តចុះផ្សព្វផ្សាយ អប់រំច្បាប់ចរាចរណ៍ផ្លូវគោក និងចែកមួកសុវត្ថិ ភាពជូនប្រជាពលរដ្ឋ សិស្នុសិស្សក្នុងគោលដៅកាត់បន្ថយគ្រោះថ្នាក់ចរាចរណ៏ ក៏ដូចជា បន្ថយហានិភ័យក្នុងសង្គមគ្រួសា និងសង្គមជាតិ សេចក្តីថ្លែងព្រឹកថ្ងៃទី១៧ ខែវិច្ឆិកា ឆ្នាំ២០១៧ ។
លោកឧត្តមសេនីយ៍អ៊ី សុខាស្នងការរងទទួលផែនសណ្តាប់ធ្នាប់បានឲ្យដឹងថា ដើម្បីអនុវត្តន៍ឲ្យបាននូវបទបញ្ជាក់ សម្តេចក្រឡាហោម ស ខេង ឧបនាយករដ្ឋមន្ត្រី និងជាប្រធានគណៈកម្មការសុវត្ថិភាពចរាចរណ៍ផ្លូវគោក ដើម្បីបន្ថយគ្រោះថ្នាក់ចរាចរណ៍ក៏ដូចជារួមកាត់បន្ថយហានិភ័យក្នុងសង្គមគ្រួសា និងសង្គមជាតិ។ នៅមុខវេទិការបុណ្យជាតិ៧មករា ស្ថិតនៅសង្កាត់លេខ៣ ក្រុង-ខេត្តព្រះសីហនុ ។
ក្រុមការងារខេត្តមានមន្ត្រីនគរបាលចរាចរណ៍ផ្លូវគោកសហការជាមួយមន្ទីរសាធារណការណ៍ខេត្ត ធ្វើយុទ្ធនាការផ្សព្វផ្សាយច្បាប់ចរាចរណ៍ផ្លូវគោកដល់ប្រជាពលរដ្ឋ សិស្សានុសិស្ស ដើម្បីឲ្យពួកគាត់ចូលរួមគោរពច្បាប់ចរាចរណ៍ទាំងអស់គ្នា ចៀសវាងអត្រាគ្រោះថ្នាក់ចរាចរណ៍ ។ បច្ចុប្បន្នអត្រាគ្រោះថ្នាក់ចរាចរណ៍ផ្លូវគោកបណ្តាលឲ្យស្លាប់ដោយសារតែមិនពាក់មួកសុវត្ថិភាព ដើម្បីការពារអាយុជីវិតរបស់ខ្លួន ។
មន្ត្រីនគរបាលចរាចរណ៍ផ្លូវគោកបានធ្វើការផ្សព្វផ្សាយច្បាប់ចរាចរណ៍ផ្លូវគោកមិនថាយប់ឬថ្ងៃនោះទេ ព្រមទាំងបានផ្សព្វផ្សាយដល់សិស្សានុសិស្សនៅតាមសាលារៀន កម្មករតាមរោងចក្រ សហគ្រាស កម្មករសំណង់ជាដើម ។ បច្ចុប្បន្នមានប្រជាពលរដ្ឋភាគច្រើនបានចូលរួមគោរពច្បាប់ចរាចរណ៍ផ្លូវគោក ក៍បន្តែនៅមានប្រជា ពលរដ្ឋមួយចំនួនតូចនៅមិនទាន់បានចូលរួមគោរពច្បាប់ចរាចរណ៍ផ្លូវគោក ដោយមិនពាក់មួកសុវត្ថិភាព ពិសេសកម្មករ និងសិស្សសាលាភាគច្រើនគេចវេសនៅពេលមានសមត្ថកិច្ចចុះផ្សព្វផ្សាយអប់រំច្បាប់ចរាចរណ៍ផ្លូវគោកនៅតាមដងផ្លូវសាធារណៈមួយចំនួនក្នុងក្រុងព្រះសីហនុ ។
លោកឧត្តមសេនីយ៍ត្រី អ៊ី សុខា បានសំណូមពរដល់អាណាព្យាបាលទាំងអស់ចូលរួមអប់រំកូន ចៅឲ្យពាក់មួកសុវត្ថិភាពគ្រប់ៗគ្នា ៕
ចែករំលែកព័តមាននេះ