កំណាត់ឈើឆ្លាក់ជារូបលិង្គដ៏ធំ ប្រទះឃើញនៅលើថ្មភ្នំ «Otscher» កម្ពស់ជាង ១.៨០០ម៉ែត្រ ប្រទេសអូទ្រីស ។ លិង្គឆ្លាក់ពីឈើនោះមានប្រវែងប្រហែល១ម៉ែត្រ និងបានរៀបរាប់ព័ត៌មានលំអិតយ៉ាងច្បាស់ដោយអ្នកឡើងភ្នំម្នាក់គឺនាង Marika…
កំណាត់ឈើឆ្លាក់ជារូបលិង្គដ៏ធំ ប្រទះឃើញនៅលើថ្មភ្នំ «Otscher» កម្ពស់ជាង ១.៨០០ម៉ែត្រ ប្រទេសអូទ្រីស ។ លិង្គឆ្លាក់ពីឈើនោះមានប្រវែងប្រហែល១ម៉ែត្រ និងបានរៀបរាប់ព័ត៌មានលំអិតយ៉ាងច្បាស់ដោយអ្នកឡើងភ្នំម្នាក់គឺនាង Marika Roth ។
អ្នកយកព័ត៌មានពីទេសភាពធម្មជាតិ បង្ហាញរូបសិល្បៈនោះតាមហ្វេសប៊ុក កាលពីពេលថ្មីៗកន្លងមក រួមទាំងបង្ហាញទិន្នន័យគួរឱ្យចង់សើចមួយដោយបញ្ជាក់ថា ផ្លូវឡើងភ្នំ «Otscher» មានវត្ថុគួរឱ្យទាក់ទាញអារម្មណ៍ ។ នៅក្នុងអត្ថបទបញ្ជាក់ថា «នាងខ្ញុំគិតថា ភ្នំ Otscher មានវត្ថុនាំលាភសំណាងថ្មីគួរឱ្យទាក់ទាញ »។
ទោះបីជានៅមិនទាន់ដឹងច្បាស់ថា នរណាជាអ្នកឆ្លាក់លិង្គតាំងលំអនៅលើភ្នំក៏ដោយ ប៉ុន្តែជាយន្តការមួយធ្វើឱ្យមានការពិគ្រោះយ៉ាងល្អិតល្អន់តាមប្រព័ន្ធអនឡាញ ផ្តល់ឱកាសឱ្យពួកគេបានពិភាក្សាវែកញែកលើអវយវភេទបុរស និងមានចម្ងល់ថា ហេតុអ្វីបានជាយកឈើមកឆ្លាក់ជាលិង្គតាំបង្ហាញនៅទីនេះ ។
អ្នកលេងអ៊ីនធើរណែតម្នាក់បានបង្ហាញគំនិតយល់ឃើញថា«ភ្នំ Otscher »គឺជាលិង្គយក្សអាថ៌កំបាំង ដូច្នេះទើបធ្វើឱ្យមនុស្សមួយចំនួន មានចម្ងល់ ។
នាង Roth បញ្ជាក់ថា តើពលរដ្ឋទាំងឡាយនឹងមាននិន្នាការលើវាបែបណា ? ប៉ុន្តែការផុសឡើងរបស់លិង្គឈើយក្សនេះបានបម្រែបម្រួលពីការឡើងភ្នំ ធម្មតាៗរបស់នាង ឱ្យក្លាយជារឿងសប្បាយមួយនៅក្នុងជីវិត ៕
ចែករំលែកព័តមាននេះ