នយោបាយរបស់ប្រមុខដឹកនាំកម្ពុជា…ជាមួយសហរដ្ឋអាមេរិក…កើតមានយ៉ាងអាក្រក់បំផុតតាំងតែពីសម័យសង្គមរាស្ត្រនិយម…។
សម័យនោះ កម្ពុជាប្រកាន់យកនយោបាយអព្យាក្រឹត្យមិនចូលបក្សសម្ព័ន្ធ…ដែលជាសម័យលោកសេរី និងលោកកុំមុយនិស្តសីុសាច់ហុតឈាមគ្នា…ចង់គ្រប់គ្រងពិភពលោកយ៉ាងជ្រាលជ្រៅ…។
សម័យនោះ ថៃ និងវៀតណាមខាងត្បូងចូលលោកសេរី…រឿងអីកម្ពុជាឈរកណ្តាល…នៅចំកណ្តាលដូចនៅចំមាត់ដង្កាប់…។ ទំនាស់រវាងសម្តេចព្រះប្រមុខរដ្ឋនៃសង្គមរាស្ត្រនិយម…ជាមួយសហរដ្ឋអាមេរិកកាន់តែជ្រាលជ្រៅ…។ ទ្រាំនឹងជំនួយមានការគាបសង្កត់…ទ្រាំនឹងជំនួយមានចំណង…ទ្រាំនឹងជំនួយមានលក្ខខណ្ឌមិនបាន…សម្តេចព្រះនរោត្តម សីហនុ ប្រកាសថា អាមេរិកជាចក្រពត្តិនិយម…ទីបំផុតទំនាស់នោះឈានដល់ផ្តាច់ចំណងការទូតជាមួយចក្រពត្តិនិយមទៀតផង…។
សម័យនោះ អាមេរិកមិនអាចបញ្ជាកម្ពុជាបាន…ក៏រើសបានអាយ៉ងជើងខ្លាំង…មានលន់ នល់ និងសិរិមតៈ ធ្វើរដ្ឋប្រហារទម្លាក់សម្តេចព្រះប្រមុខរដ្ឋបានដោយជោគជ័យថ្ងៃ១៨ មីនា ១៩៧០…។ គឺរដ្ឋប្រហារចំពេលដែលសម្តេចនរោត្តម សីហនុ អវត្តមានក្នុងប្រទេស…។ ទីបំផុតសង្គ្រាមផ្ទុះឡើងពីលើមេឃក៏មាន…នៅលើដីក៏មាន…សុះសាច់ស្ទើររលាយពូជសាសន៍កម្ពុជា…។
មកដល់សម័យកាលថ្មី…ក្នុងសតវត្សថ្មីនេះ…នយោបាយអាមេរិកចង់លងកម្ពុជាទៀតហើយ…។ ជំនួយមានចំណង…ជំនួយភ្ជាប់ជាមួយបទបញ្ជា…ជំនួយមានលក្ខខណ្ឌដូចមុនដដែល…។
មកដល់សម័យកាលថ្មី…ទំនងមិនអាចចាប់បង្វិលតេជោសែន មេបក្សកាន់អំណាចមិនបានដូចបំណង…ក៏មានឆន្ទៈព្យាយាមបង្កើតបានអាយ៉ង…អង្រួនសង្គមកម្ពុជាដែលកំពុងមានសន្តិភាព និងការអភិវឌ្ឍ…អង្រួនធ្វើឱ្យមានការភិតភ័យមិនតិចទេ ។
ប៉ុន្តែឆន្ទៈផ្តួលរំលំតេជោសែន មិនបានដូចបំណង…ព្រោះអាយ៉ងទាំងឡាយធ្វើឱ្យបែកពាងប្រហុក…រហូតដល់ត្រូវរលាយដូចអំបិលត្រូវទឹក…។
ប្រវត្តិសាស្ត្រអាចនឹងចារទុកថា…ប្រទេសតូច…ធ្វើនយោបាយដឹកនាំប្រទេស…បើមិនធ្វើអាយ៉ងអាមេរិក…មិនបានសុខទេ…។ ចាំមើលទៀត បន្ទាប់ពីអាយ៉ងមួយរលំរលាយទៅ…តើមានអ្នកបន្តវេនដែរឬអត់ ? ប្រសិនបើកើតមាន ក៏យូរដែរ…ហេ ! ហេ !
ចែករំលែកព័តមាននេះ