ម្នាក់ៗភ្ញាក់ឱ្យព្រឺត ពេលឃើញមេម៉ាយប្តី២ បិទប្រកាសរកប្តី
ថៃ ៖ តាមប្រភពព័ត៌មាន Oddity Central បានឲ្យដឹងថា យាយអាយុ៦៥ឆ្នាំ ដែលជាមេម៉ាយប្តីពីរ បានបិទប្រកាសនៅជាប់របងផ្ទះ ដើម្បីស្វែងរកប្តីថ្មី…
ថៃ ៖ តាមប្រភពព័ត៌មាន Oddity Central បានឲ្យដឹងថា យាយអាយុ៦៥ឆ្នាំ ដែលជាមេម៉ាយប្តីពីរ បានបិទប្រកាសនៅជាប់របងផ្ទះ ដើម្បីស្វែងរកប្តីថ្មី ដែលមានទាំងដុល្លារ និងបេះដូងស្មោះស្នេហ៍។
មេម៉ាយ Sompong Chomphuprapet ដែលរស់នៅ Ubon Ratchathani ប្រទេសថៃ បានធ្វើឲ្យគ្រប់គ្នាមានការភ្ញាក់ផ្អើល បន្ទាប់ពីគាត់បិទប្រកាសរើសប្តីនៅរបងផ្ទះ។
ទោះបីជាឥឡូវនេះ មានកម្មវិធី និងវេបសាយអ៊ីនធើណេតជាច្រើន អាចជួយក្នុងការរើសគូស្នេហ៍បានក៏ដោយ ក៏គាត់នៅតែជ្រើសរើសយកវិធីបុរាណ ដោយបិទក្រដាសមុខផ្ទះទៅវិញ។
លោកយាយ Sompong ធ្លាប់មានប្តីពីរនាក់រួចមកហើយ។ ប្តីទីមួយក្លាយជាអ្នកប្រមឹកក្រោយពេលលោកយាយទៅធ្វើការនៅអាល្លឺម៉ង់។ រួចហើយ លោកយាយក៏ការប្តីមួយទៀតនៅទីនោះ ហើយក៏លែងលះនាពេលថ្មីៗនេះ។ ពេលនេះជាពេលលោកយាយប្រកាសរើសប្តីម្តងទៀត។
នៅលើសេចក្តីប្រកាសជាអក្សរថៃបានសរសេរថា៖ «ស្ត្រីអាយុ៦៥ឆ្នាំ ប្រកាសរកប្តីអាយុចន្លោះពី៦០ឆ្នាំទៅ៧០ឆ្នាំ ដែលមានប្រាក់ចូលនិវត្តន៍ និងជាពោះម៉ាយ។ ខ្ញុំមានចិត្តល្អ និង មានសុខភាពល្អជាធម្មតា។ ប្រសិនបើចាប់អារម្មណ៍ សូមទាក់ទងនៅទីនេះ»។
តាំងពីថ្ងៃបិទប្រកាសមក មានបុរសពីរនាក់មកចូលសួរហើយ។ តែលោកយាយជំទាស់មិនយក ព្រោះម្នាក់គ្មានលុយនិវត្តន៍ និងម្នាក់ទៀតលុយតិចពេក។ នៅពេលនេះ លោកយាយនៅទំនេរទេ៕
ចែករំលែកព័តមាននេះ