សហរដ្ឋអាមេរិក ៖ ឧត្តមសេនីយ៍ ROBERT KEHLER អតីតប្រមុខទីបញ្ជាការយុទ្ធសាស្ត្ររបស់កងទ័ពអាមេរិកដកស្រង់សម្តីដោយកាសែត THE GUARDIAN អង់គ្លេសថ្លែងថា ក្នុងករណីដែលប្រធានាធិបតីសហរដ្ឋអាមeរិកថ្ងៃណាមួយចេញបទបញ្ជាឱ្យធ្វើការវាយប្រហារនុយក្លេអ៊ែរមួយនោះបណ្តាប្រមុខយោធាអាមេរិកអាចមិនគោរពតាមបទបញ្ជានោះ ។
កាសែត THE GUARDIAN ដែលដកស្រង់សម្តីអតីតប្រមុខទីបញ្ជាការយុទ្ធសាស្ត្ររបស់កងទ័ពដែលថ្លែងពេលធ្វើសវនាការនៅឯគណៈកម្មាធិការកិច្ចការបរទេសរបស់ព្រឹទ្ធសភារាយការណ៍នាថ្ងៃទី១៥ វិច្ឆិកា ថា កងទ័ពអាេមរិកនឹងពុំអនុវត្តតាមបទបញ្ជារបស់លោកដូណាល់ ត្រាំ ឱ្យធ្វើការវាយប្រហារនុយក្លេអ៊ែរមួយឡើយ ។ ឧត្តមសេនីយ៍រូបនេះអះអាងថា កងយោធាចាំបាច់ត្រូវធ្វើតាមបទបញ្ជាស្របច្បាប់ទាំងឡាយ ក៏ប៉ុន្តែពុំត្រូវគោរពបណ្តាបទបញ្ជាមិនស្របច្បាប់ទាំងឡាយឡើយ ។
ឧត្តមសេនីយ៍ KEHLER គូសបញ្ជាក់ថា សភាពការណ៍ប្រហាក់ប្រហែលគ្នាអាចកើតមានប្រសិនបើទីបញ្ជាការយុទ្ធសាស្ត្រចាត់ទុកថា សេតវិមានធ្វើការសម្រេចចិត្តមួយ ដោយប្រញាប់ប្រញាល់ពេក ដែលពុំសមស្របទៅនឹងធាតុពិតនៃការគំរាមកំហែង ។
ទោះបីយ៉ាងណា តាមឧត្តមសេនីយ៍រូបនេះថា គេពុំត្រូវកម្រិតអំណាចរបស់ប្រធានាធិបតីក្នុងវិស័យសន្តិសុខជាតិឡើយ ។ វិធានការមួយបែបនេះនឹងអាចឱ្យមានបណ្តាផលវិបាកជាអវិជ្ជមានលើកិច្ចការពារប្រទេស ។
សវនាការនេះកើតមានខណៈពេលដែលភាពតានតឹងរវាងក្រុងវ៉ាស៊ីនតោន និងក្រុងព្យុងយ៉ាងមានការកើនឡើង ហើយកូរ៉េខាងត្បូងបន្តអភិវឌ្ឍន៍កម្មវិធីនុយក្លេអ៊ែររបស់ខ្លួន៕
ចែករំលែកព័តមាននេះ