«Mirror» ផ្សាយកាលពីពេល ថ្មីៗកន្លងមកថា ស្ត្រីអ្នកដំណើរដ៏ស្រស់ស្អាតម្នាក់ស្ថិតក្នុងឈុតសិចស៊ីបានលួចប្រាក់ពីប្រអប់ «លុយធីប» ដល់អ្នកបើកបរតាក់ស៊ី «Uber» នៅក្រុងញូវយ៉ក ខណៈពេលនាងជិះតាក់ស៊ីជាមួយមិត្តភក្តិ ។
វីដេអូសុវត្ថិភាពនៅក្នុងតាក់ស៊ីរយៈពេល២នាទីបង្ហាញមុខរបស់ស្ត្រីរូបនោះ ។ នៅពេលទៅដល់គោលដៅនាងឃើញអ្នកបើកបរងាកទៅកន្លែងផ្សេងមិនងាកក្រោយ ក៏ប្រញាប់ក្តោបយកប្រាក់ពីប្រអប់ប្រាក់ធីប ហើយចុះចេញពីរថយន្តធ្វើព្រងើយ ។
វីដេអូឃ្លីបបង្ហាញឱ្យឃើញថា ខណៈពេលអ្នកបើកបរងាកភ្នែកចេញទៅក្រៅរថយន្តមិនមើលកញ្ចក់ខាងក្រោយ ធ្វើឱ្យអ្នកដំណើរទាំង៣នាក់នោះចុះចេញទៅតាមសម្រួលជាមួយលុយដែលលួច ។ ពេលគេងាកក្រោយហាក់ដូចជាស្រងាកចិត្តដោយឃើញថាបាត់ប្រាក់ ។ ភ្លាមនោះអ្នកបើកបរចុចស៊ីផ្លេហៅអ្នកដំណើរដែលលួចលុយ និងចុះពីរថយន្តដេញតាម ប៉ុន្តែតាមចោរមិនទាន់ ៕
ចែករំលែកព័តមាននេះ