ខេត្តព្រះសីហនុ ៖ ការភ្ញាក់ផ្អើលឆោឡោមនុស្សម្នាក់រត់ចែកជើងគ្នាទាំងព្រឹកនៅក្នុងក្រុងព្រះសីហនុ ត្រង់ចំណុចស្ពានអូសំអាត ស្ថិតក្នុងភូមិ០៣ សង្កាត់លេខ៣ ក្រុងព្រះសីហនុ បន្ទាប់ពីរថយន្តដឹកសម្ភារធុនធ្ងន់១គ្រឿង ក្នុងចំណោម២គ្រឿង បានបុករះម៉ូតូចំនួន២គ្រឿង បណ្ដាលឲ្យមនុស្សម្នាក់ រងរបួសស្រាល និងម៉ូតូ២គ្រឿងខូចខាតយ៉ាងដំណំ កាលពីវេលាម៉ោង០៩និង៣០នាទីព្រឹក ។
យោងតាមប្រភពពីលោកឧត្តមសេនីយ៍ត្រី អ៊ី សុខា ស្នងការងទទួលបន្ទុកកណ្ដាលសណ្តាប់ធ្នាប់ បានគូសបញ្ជាក់ថា នៅវេលាម៉ោង០៩និង៣០នាទីព្រឹក ថ្ងៃទី១៦ ខែវិច្ឆិកា ឆ្នាំ២០១៧ លើផ្លូវវិថីឯករាជ្យ ត្រង់ចំណុចស្ពានអូរសំអាត ស្ថិតនៅក្នុងសង្កាត់លេខ៣ ក្រុងព្រះសីហនុ មានករណីគ្រោះថ្នាក់ចរាចរមួយកើតឡើង បង្កដោយរថយន្ត១គ្រឿងពណ៌ស ពាក់ស្លាកលេខ រដ្ឋ ១២ ៣-០០២២ ដឹកទំនិញ បើកបរដោយឈ្មោះ ស៊ិន អង ភេទប្រុស អាយុ៧០ឆ្នាំ មានទីលំនៅសង្កាត់ទឹកល្អក់ ខ័ណ្ឌទួលគោក រាជធានីភ្នំពេញ ដែលមានទិសដៅពីវេទិកា7មករាឆ្ពោះមកផ្សារលើ លុះដល់ចំណុចខាងលើ ក៏បានបុកនឹងម៉ូតូចំនួន២គ្រឿងដែលមានទិសដៅស្របគ្នា ។ គ្រោះថ្នាក់នេះបណ្ដាលឲ្យរងរបួសមនុស្សម្នាក់រងរបួសស្រាល បានបញ្ជូនទៅសង្គ្រោះនៅគ្លីនិកឯកជន ។ ជនរងគ្រោះមានឈ្មោះ កែវ សុខលី ភេទប្រុស អាយុ២៧ឆ្នាំ ចំណែកអ្នកបើកបររថយន្តបាននាំខ្លួនទៅកាន់ការិយាល័យនគរបាលចរាចរណ៍ផ្លូវគោក ដើម្បីធ្វើការសាកសួរ ។ ឬឯវត្ថតាងរថយន្ត និងម៉ូតូ សមត្ថកិច្ចជំនាញកំពុងចាត់ចែងយកទៅរក្សាទុកនៅការិយាល័យនគរបាលចរាចរណ៍ផ្លូវគោក ៕
ចែករំលែកព័តមាននេះ