ខេត្តព្រះវិហារ ៖ បុរសចំណាស់ម្នាក់ជាជនសង្ស័យឈ្មោះ ដួង សំ អាយុ៦៧ឆ្នាំ រស់នៅភូមិប៉ាលហាល សង្កាត់ប៉ាលហាល ក្រុងព្រះវិហារ ត្រូវបានកម្លាំងអធិការដ្ឋាននគរបាលក្រុងព្រះវិហារឃាត់ខ្លួនកាលពីថ្ងៃទី១៥…
ខេត្តព្រះវិហារ ៖ បុរសចំណាស់ម្នាក់ជាជនសង្ស័យឈ្មោះ ដួង សំ អាយុ៦៧ឆ្នាំ រស់នៅភូមិប៉ាលហាល សង្កាត់ប៉ាលហាល ក្រុងព្រះវិហារ ត្រូវបានកម្លាំងអធិការដ្ឋាននគរបាលក្រុងព្រះវិហារឃាត់ខ្លួនកាលពីថ្ងៃទី១៥ ខែវិច្ឆិកា ឆ្នាំ២០១៧ កន្លងទៅនេះក្នុងករណីរំលោភសេពសន្ថវៈទៅលើក្មេងស្រីអនីតិជនម្នាក់នៅក្នុងចំណុចចម្ការអំពៅរបស់ជនសង្ស័យឋិតក្នុងភូមិប៉ាលហាល សង្កាត់ប៉ាលហាល ក្រុងព្រះវិហារ កាលពីថ្ងៃទី២៨ ខែតុលា ឆ្នាំ២០១៧កន្លងទៅ ។
យោងតាមសម្តីលោកវរសេនីយ៍ឯក គង់ គា អធិការដ្ឋាននគរបាលក្រុងព្រះវិហារឲ្យដឹងថា ជនសង្ស័យត្រូវបានកម្លាំងនគរបាលក្រុងព្រះវិហារឃាត់ខ្លួននៅក្នុងលំនៅឋានរបស់ជនសង្ស័យ បន្ទាប់ពីមានពាក្យបណ្តឹងរបស់ឈ្មោះ ញួន ស្រីយ៉ន ត្រូវជាម្តាយក្មេងស្រីរងគ្រោះឈ្មោះ ម.ស.ព អាយុ១០ឆ្នាំ ដោយបាទចោទជនសង្ស័យលួងលោមកូនស្រីរបស់គាត់ និងបានបង្ខំរួមភេទជាមួយជនសង្ស័យរហូតបានសម្រេច ។ ជនសង្ស័យ និងជនរងគ្រោះជាអ្នករស់នៅផ្ទះជាប់គ្នា ខណៈដែលម្តាយឪពុកជនរងគ្រោះទៅច្រូតស្រូវបានឲ្យជនរងគ្រោះនៅចាំផ្ទះពេលនោះជនរងគ្រោះក៏បានដើរទៅសុំអំពៅនៅផ្ទះជនសង្ស័យដែលនៅជាប់គ្នា ពេលនោះជនសង្ស័យក៏បានហៅជនរងគ្រោះចូល ទៅក្នុងចម្ការអំពៅពេលនោះជនសង្ស័យក៏បានសុំក្មេងស្រីរងគ្រោះរួមភេទជាមួយ តែក្មេងស្រីរងគ្រោះបានបដិសេធមិនព្រមបន្ទាប់មកជនសង្ស័យក៏បានចាប់ដោះសម្លៀកបំពាក់ជនរងគ្រោះចេញហើយក៏ចាប់រំលោភតែម្តង ។
លោកបន្ថែមទៀតថា ក្រោយពេលដែលជនសង្ស័យធ្វើសកម្មភាពរួចរាល់ជនរងគ្រោះក៏មិនបានទៅប្រាប់ម្តាយឪពុកភ្លាមៗដែរ រហូតបាន១សប្តាហ៍ក្មេងស្រីរងគ្រោះបានប្រាប់ក្មេងៗអ្នកភូមិជាមួយគ្នាថា ឈ្មោះ ដួង សំ បានរំលោភនាងនៅចម្ការអំពៅរហូតលេចឭដំណឹងដល់ ម្តាយឪពុកក្មេងស្រីរងគ្រោះរហូតមកដល់ថ្ងៃទី១៥ ខែវិច្ឆិកា ឆ្នាំ២០១៧ ម្តាយឪពុកក្មេងស្រីរងគ្រោះក៏បានសួរដេញដោលកូនរបស់ខ្លួន ពេលនោះក្មេងស្រីរងគ្រោះក៏បានប្រាប់តាមដំណើររឿងទើបម្តាយឪពុកបានទៅដាក់ពាក្យបណ្តឹងសុំសមត្ថកិច្ចជួយអន្តរាគមន៍តែម្តង ។ ក្រោយឃាត់ខ្លួនជនសង្ស័យឈ្មោះ ដួង សំ ក៏បានសារភាពនៅចំពោះមុខសមត្ថកិច្ចថា ខ្លួនពិតជាបានរំលោភទៅលើក្មេងស្រីរងគ្រោះខាងលើប្រាកដមែន តែពុំបានស៊ីជម្រៅនោះទេ ៕
ចែករំលែកព័តមាននេះ