បច្ចុប្បន្ន ការទំនាក់ទំនងរបស់មនុស្សទូទាំងសកលលោកអាចធ្វើបានឆាប់រហ័ស និងទូលំទូលាយ ។ ក្រៅពីពិភពអ៊ីនធើរណេតបានក្លាយជាចំណែកខ្លាំងមួយនៃដំណើរជីវិតរបស់មនុស្សសម័យបច្ចុប្បន្ន ដែលជាទីពេញនិយមក្នុងចំណោមយុវវ័យ និងបុគ្គលត្រូវការទំនាក់ទំនងជាសម្ព័ន្ធ គង់គេចមិនផុតពីបណ្តាញសង្គម “Social Network” ដូចជា Twitter, Facebook, Whats app និង Line ជាដើម ។
ពិតណាស់ បណ្តាញទាំងនេះតែងមានគុណសម្បត្តិ និងគុណវិបត្តិខុសៗគ្នា ។ នេះជាគុណសម្បត្តិ និងគុណវិបត្តិនៃបណ្តាញនីមួយៗដែលយើងគួរជ្រាបសម្រាប់ជ្រើសរើសប្រើបណ្តាញទាំងនេះយ៉ាងសមស្រប ។
1-TWITTER
*គុណសម្បត្តិ ៖
-អាចចូលទៅដល់ក្រុមមនុស្សជាច្រើនក្នុងរយៈពេលដ៏ខ្លី ។ វាអាចផ្តល់ដំណឹងថ្មីៗពី User របស់ Twitter អ្នកដទៃ ដែលនៅក្នុងហេតុការណ៍ ឬទីកន្លែងកើតហេតុ ។
-បញ្ជូនព័ត៌មានបានលឿន ដោយអាចបញ្ជូនព័ត៌មានដល់អ្នកដែល Follow យើងទាំងអស់ក្នុងលក្ខណៈជា Short message ត្រឹមរយៈពេលខ្លី និងមិនចំណាយថ្លៃសេវាកម្ម ។
-ទទួលបានចំណេះដឹងថ្មីៗបន្ថែមទៀតពីបុគ្គលយើងបាន Following ដូចជា បើសិនជាបុគ្គលដែលយើងតាមដានបានអាប់ឌេតចំណេះដឹងមានប្រយោជន៍ និងបើមាន Links ភ្ជាប់ជាមួយទិន្នន័យ យើងក៏អាចចុចមើលទិន្នន័យនោះបាន ។
-បានស្គាល់មនុស្សល្បីឬមិនល្បី និងមនុស្សដែលអ្នកចង់ស្គាល់ ហើយអាចស្វែងរកដោយខ្លួនអ្នកផ្ទាល់ក្នុងប្រអប់ Search ។
*គុណវិបត្តិ ៖
-ការលួចឈ្មោះបុគ្គល ឬបន្លំ គឺអាចធ្វើបានដោយងាយ ព្រោះគេអាចចុះឈ្មោះងាយ ដោយគ្រាន់តែដាក់ឈ្មោះអ្នកប្រើប្រាស់ លេខកូដសម្ងាត់ និងអ៊ីម៉ែលកំពុងប្រើជាប្រចាំប៉ុណ្ណោះ។ បុគ្គលល្បីៗដូចជា Steve Jobs Bill Gates រហូតដល់ Warren Buffet មានគណនីប្រើប្រាស់ Twitter ជាច្រើន ដែលជាការលួចប្រើប្រាស់ ។
-មានការកំណត់ចំនួនតួអក្សរ ដោយមានប្រវែងមិនឲ្យលើសពី១៤០តួឡើយ ។
-មិនប្រាប់ពីការអនឡាញ និងពាក្យថា Read ដែលយើងមិនដឹងថា មានអ្នកណាខ្លះកំពុងអនឡាញក្នុងខណៈនេះ និងមិនដឹងថា អ្នកទទួលបានអានទិន្នន័យដែលផ្ញើទៅឬអត់ ។
2-Facebook
*គុណសម្បត្តិ ៖
-បញ្ជូនទិន្នន័យ បែងចែកគ្នា (Share) ព័ត៌មានផ្សេងៗបានទាំងរូបភាព និងវីដេអូ ។
-អាចបង្កើតក្រុម (Group) ឬបណ្តាញសង្គមឲ្យមានអ្នកតាមដានព័ត៌មានពីទំនិញ និងសេវាកម្ម ។ វាមានប្រព័ន្ធផ្សេងៗដូចជា ហ្គេម និងកម្មវិធី Application សម្រាប់អ្នកប្រើប្រាស់ជ្រើសរើស ។
-មិនបាត់ព័ត៌មាន គឺដឹងពីភាពជឿនលឿន នៃហេតុការណ៍របស់បុគ្គលផ្សេងៗ និងអ្នកនៅជិតខ្លួនយើង ។
-អាចផ្ញើ Sticker និង Cartoon emotion ជំនួសអារម្មណ៍ផ្សេងៗបាន ។
*គុណវិបត្តិ ៖
-មិត្តភក្តិគ្រប់រូបក្នុងបណ្តាញសង្គម អាចសរសេរព័ត៌មានផ្សេងៗចូលក្នុង Wall របស់ហ្វេសប៊ុកបាន ។ បើជាព័ត៌មានសម្ងាត់ ការបរិហារកេរ្តិ៍ ឬលាក់បាំងដោយការញុះញង់ផ្សេងៗ នឹងធ្វើឲ្យអ្នកអានដែលគ្មានចំណេះដឹងគ្រប់គ្រាន់ជឿជាក់ កើតការទាស់ទែង និងមានបញ្ហានៅពេលក្រោយ ។
-វាបង្ហាញព័ត៌មានផ្ទាល់ខ្លួនទាំងអស់ទៅដល់បុគ្គលខាងក្រៅ ដែលយើងមិនស្គាល់គ្នាច្បាស់ ដូចជា ការបង្ហាញរូបភាពក្រុមគ្រួសារ ឬកូនជាដើម ។ វាអាចបង្កើតបញ្ហាបន្លំខ្លួន ឬការបញ្ឆោតផ្សេងៗដែលស្មានមិនដល់ ។
3-WHATS APP
*គុណសម្បត្តិ ៖
-WhatsApp មានអ្នកប្រើប្រាស់ច្រើន និងអាចជជែកតាមកម្មវិធីផ្សេងៗផងដែរ ដូចជា Andriod / BB / Window 7 ។
-មានការដាស់តឿនឆាប់រហ័ស និងជាប្រចាំ ។
-អាចលុបទិន្នន័យដែលបានផ្ញើចេញហើយ ។
-ផ្ញើ Attached file បានច្រើនយ៉ាង ។
-សន្សំសំចៃថ្ម ។
*គុណវិបត្តិ ៖
-សេវាធ្លាក់ចុះជាញឹកញាប់ ។
-គ្មាន Sticker បង្ហាញអារម្មណ៍ផ្សេងៗ ។
-ជជែកកម្សាន្តបាន ប៉ុន្តែមិនអាចហៅទូរស័ព្ទដោយមិនគិតថ្លៃ ។
-Add Friend បានតាមរយៈលេខទូរស័ព្ទតែម្យ៉ាង ។
4-LINE
*គុណសម្បត្តិ ៖
-ប្រើប្រាស់បានជាមួយ Mobile, Tablet និងកុំព្យូទ័រ ។
-មាន Sticker និង Cartoon emotion បង្ហាញអារម្មណ៍ជាច្រើនយ៉ាង ដូចជា រំខាន គួរឲ្យស្រឡាញ់ សោកសៅ សោកស្តាយ សប្បាយចិត្ត និងពាក្យស្វាគមន៍ផ្សេងៗ ។
-Add Friend បានច្រើនវិធីដូចជា តាមរយៈ QR Code និងការ Shake ជាដើម ។
-អាចបញ្ជូនព័ត៌មាន, បង្កើតក្រុមជជែក និង Share រូបភាព វីដេអូ សំឡេងនៅពេលសន្ទនា ។
-អាចប្រើ Voice Call ជំនួសទូរស័ព្ទបានទាំងក្នុង និងក្រៅប្រទេស ដោយមិនចំណាយប្រាក់ ។
-ការជជែកក្នុងក្រុម បើមានអ្នកណាបានអានទិន្នន័យ វានឹងបង្ហាញពាក្យថា Read ។ មនុស្សជាច្រើនអាចទាយ ឬប៉ាន់ស្មានថា មានអ្នកណាអានឬមិនអាន ។ យើងអាចយកវាមកធ្វើជាសំអាង ក្នុងករណីភាគីម្ខាងទៀតថា មិនទទួលបានព័ត៌មាន ។
*គុណវិបត្តិ ៖
-ការជូនដំណឹងមិនបានជាប្រចាំ ។
-មិនអាចលុបព័ត៌មានដែលផ្ញើចេញរួចហើយ ។
-ការលេងច្រើន នឹងធ្វើឲ្យឆាប់អស់ថ្ម ៕
ចែករំលែកព័តមាននេះ