រាជធានីភ្នំពេញ ៖ គ្រោះថ្នាក់ចរាចរណ៍២ករណីក្នុងពេលតែមួយ និងកន្លែងតែមួយ បណ្តាលឲ្យមានអ្នករងរបួសធ្ងន់២នាក់ និងស្រាល២នាក់ ហេតុការណ៍នេះ បានកើតឡើងនៅវេលាម៉ោង០៨និង១០នាទីយប់ ថ្ងៃទី១៥ ខែវិច្ឆកា ឆ្នាំ២០១៧ ជិតនឹងវត្តពោធិ៍ញាណ ផ្លូវ៣៧១ សង្កាត់ដង្កោ ខណ្ឌដង្កោ ។
តាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញម៉ូតូហុងដាឌ្រីម ស៊េរីឆ្នាំ២០១៥ ជិះគ្នាបីនាក់ បានបើកបុកគ្នាជាមួយ នឹងម៉ូតូម៉ាកហុងដាឌ្រីម ស៊េរីឆ្នាំ២០១១ ជិតគ្នាម្នាក់ឯង យ៉ាងពេញទំហឹង នៅចំណុចកើតហេតុខាងលើ បណ្តាលឲ្យមានអ្នករងរបួសធ្ងន់២នាក់ និងស្រាល២នាក់ ខណៈពេលដែរជនរងគ្រោះ ត្រូវបានរថយន្តសង្គ្រោះបានមកដឹកយកទៅសង្គ្រោះនៅមន្ទីរពេទ្យអស់ ហើយសមត្ថកិច្ចមូលដ្ឋាន ក៏មិនទាន់បានមកធ្វើការវាស់វែងផង ស្រាប់តែមានគ្រោះថ្នាក់មួយទៀតបានកើតឡើង រវាងរថយន្តសណ្ដោងកន្ទុយកុងតឺន័រ បានបើកកៀរជាមួយ នឹងរថយន្តកាមរីឆ្លាម នៅតាមផ្លូវ៣៧១ ក្នុងទិសដៅស្របគ្នា ពីលិចទៅកើត បណ្ដាលឲ្យរងការខូចខាត តិចតួចតែមិនមានគ្រោះថ្នាក់ដល់មនុស្សនោះទេ ។
ដោយគ្រាន់តែរថយន្តកាមរីឆ្លាម រងការខូចខាតកំពឹតគូថក្រោយចំហៀងស្តាំបន្តិច ។ ចំណែករថយន្តសណ្ដោងកន្ទុយកុងន័រវិញ អត់មានរងការខូចខាតនោះទេ ។
ក្រោយពេលកើតហេតុ ភាគីរថយន្តទាំងសងខាងបានមកធ្វើការសម្របសម្រួលគ្នា ដោយខាងរថយន្តសណ្ដោងកន្ទុយកុងន័រ សុំទោសខាងរថយន្តកាម៉ារីឆ្លាម ដើម្បីបញ្ចប់រឿង ស្រាប់តែម៉ូតូ២គ្រឿងទៀត ដែលជួបគ្រោះថ្នាក់ដូចគ្នានៅកន្លែងតែមួយ ត្រូវបានសមត្ថកិច្ចជំនាញបានមកធ្វើការវាស់វែងយកទៅរក្សានៅអធិការដ្ឋានខណ្ឌដង្កោ ដើម្បីរង់ចាំធ្វើការដោះស្រាយ ៕
ចែករំលែកព័តមាននេះ