រាជធានីភ្នំពេញ ៖ មួយថ្ងៃមុនពេលតុលាការកំពូលប្រកាសសាលដីការំលាយគណបក្សសង្គ្រោះជាតិតាមបណ្តឹងរបស់ក្រសួងមហាផ្ទៃនោះ អតីតមេបក្សប្រឆាំងមួយរូប គឺលោក សម រង្ស៊ី បានប្រកាសនៅថ្ងៃពុធ ទី១៥ វិច្ឆិកានេះថា…
រាជធានីភ្នំពេញ ៖ មួយថ្ងៃមុនពេលតុលាការកំពូលប្រកាសសាលដីការំលាយគណបក្សសង្គ្រោះជាតិតាមបណ្តឹងរបស់ក្រសួងមហាផ្ទៃនោះ អតីតមេបក្សប្រឆាំងមួយរូប គឺលោក សម រង្ស៊ី បានប្រកាសនៅថ្ងៃពុធ ទី១៥ វិច្ឆិកានេះថា លោកនឹងចូលប្រឡូកក្នុងឆាកនយោបាយវិញ។ នេះបើតាមទីភ្នាក់ងារព័ត៌មាន Reuters ។
យ៉ាងណាមិញ លោក សម រង្ស៊ី មិនបានបញ្ជាក់ថា រូបលោកនឹងវិលត្រឡប់មកប្រទេសកម្ពុជាវិញឬយ៉ាងណានោះទេ។ សូមបញ្ជាក់ថា អតីតមេបក្សប្រឆាំងរូបនេះបានលាឈប់ពីឆាកនយោបាយនាដើមឆ្នាំ២០១៧ នេះ ដើម្បីការពារកុំឱ្យគណបក្សសង្គ្រោះជាតិត្រូវប្រឈមនឹងការរំលាយចោលតាមច្បាប់គណបក្ស។
តុលាការកំពូលនឹងប្រកាសសាលដីកាថ្ងៃទី ១៦ វិច្ឆិកានេះថា តើត្រូវរំលាយ ឬមិនរំលាយបក្សប្រឆាំងក្រោយពីប្រធានគណបក្សថ្មី គឺលោក កឹម សុខា បាននិងកំពុងជាប់ពន្ធនាគារពីបទ «ក្បត់ជាតិ»៕
ចែករំលែកព័តមាននេះ