ការទទួលទានស៊ុតក្នុង១ថ្ងៃ១គ្រាប់អាចជំរុញការរីកលូតលាស់ និងកាត់បន្ថយជំងឺក្រិនបាន៤៧% ចំពោះកុមារ ។ នេះបើតាមការសិក្សាមួយបានរកឃើញ ។ ស៊ុតមានតម្លៃសមរម្យ និងងាយស្រួលរក ។
អ្នកដឹកនាំការសិក្សាលោក Lora Iannotti ពីសាកលវិទ្យាល័យ Washington នៅក្នុងទីក្រុង St. Louis បាននិយាយថា វាជាប្រភពដ៏ល្អនៃសារធាតុចិញ្ចឹមសម្រាប់ការរីកលូតលាស់ និងការអភិវឌ្ឍចំពោះកុមារ ហើយវាមាន សក្តានុពលក្នុងការរួមចំណែកកាត់បន្ថយជំងឺក្រិននៅជុំវិញពិភពលោក ។
ការសិក្សាដែលបានចេញផ្សាយនៅក្នុងព្រឹត្តិបត្រសុខភាពកុមារបានបង្ហាញថា កុមារដែលបរិភោគស៊ុត១ថ្ងៃ១គ្រាប់មានការកាត់បន្ថយអត្រានៃការកើតជំងឺក្រិនបាន៤៧% និងជំងឺទម្ងន់មិនគ្រប់បាន៧៤% ។ « យើងពិតជា ភ្ញាក់ផ្អើលពីប្រសិទ្ធភាពនៃការទទួលទានស៊ុតនេះ »។
លោក Iannotti ឱ្យដឹងថា ស៊ុតជាអាហារពេញលេញ ត្រូវបានខ្ចប់ដោយសុវត្ថិភាព និងអាចរកបានយ៉ាងងាយក្នុងប្រទេសដែលមិនសូវសម្បូរធនធានអាហារ ។ លោកបន្ថែមថា ៖ «ស៊ុតហាក់ដូចជាប្រភពអាហាររូបត្ថម្ភដែលត្រូវបានគ្រូពេទ្យណែនាំសម្រាប់កុមារនៅក្នុងប្រទេសកំពុងអភិវឌ្ឍន៍បរិភោគ »៕
ចែករំលែកព័តមាននេះ