រាជធានីភ្នំពេញ ៖ រសៀលថ្ងៃទី២៥ តុលា ២០១២ គណៈកម្មាធិការអនុសាខាកាកបាទក្រហមកម្ពុជាខណ្ឌឫស្សីកែវ រួមជាមួយសហគមន៍មូលនិធិនគរកាយវត្តព្រះពុទ្ធសាសនាកម្ពុជា បាននាំយកអំណោយជាគ្រឿងឧបភោគបរិភោគ និងបច្ច័យមួយចំនួនទៅចែកជូនប្រជាពលរដ្ឋក្រីក្រពិការភ្នែក និងផ្ទុកមេរោគអេដស៍ចំនួន១០គ្រួសាររស់នៅក្នុងមូលដ្ឋានសង្កាត់ជ្រោយចង្វា ខណ្ឌឫស្សីកែវ ក្រោមការនិមន្ត និងអញ្ជើញចូលរួមចែកដោយផ្ទាល់ដៃពីសំណាក់ព្រះតេជគុណសុវណ្ណជោតិ ខឹម សម្បត្តិ ប្រធានសហគមន៍មូលនិធិនគរកាយវត្តព្រះពុទ្ធសាសនាកម្ពុជា និងជាចៅអធិការវត្តញាណរង្សី លោកជា ពិសី ប្រធានគណៈកម្មាធិការអនុសាខាកាកបាទក្រហមកម្ពុជា ខណ្ឌឫស្សីកែវ និងមានការចូលរួមពីព្រះសង្ឃ និងសមាជិក សមាជិកាកាកបាទក្រហមកម្ពុជា ខណ្ឌឫស្សីកែវ យ៉ាងច្រើនកុះករ ។
អំណោយយកទៅចែកជូននាឱកាសនោះក្នុងមួយគ្រួសារទទួលបានអង្ករ២៥គីឡូក្រាម គ្រឿងឧបភោគបរិភោគ និងវត្ថុប្រើប្រាស់សរុបចំនួន២៥មុខ ព្រមទាំងថវិកា៥ម៉ឺនរៀល ។ អំណោយទាំងនេះជាអំណោយកាកបាទក្រហមកម្ពុជា ខណ្ឌឫស្សីកែវ ។ ដោយឡែកសហគមន៍មូលនិធិនគរកាយវត្ត ព្រះពុទ្ធសាសនាកម្ពុជា បានជួយឧបត្ថម្ភក្នុងមួយគ្រួសារថវិកា៥ម៉ឺនរៀល អង្ករ២៥គីឡូក្រាម និងគ្រឿងឧបភោគបរិភោគមួយចំនួនទៀតដែលសរុបជាទឹកប្រាក់ចំនួន១.៣០៥.០០០រៀល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ