ខេត្តរតនគិរី ៖ មនុស្សម្នាក់បានស្លាប់ភ្លាមៗនៅនឹងកន្លែងកើតហេតុ ដោយសារករណីគ្រោះថ្នាក់ចរាចរណ៍រវាងម៉ូតូ និងម៉ូតូបុកគរលើគ្នាចំនួនបីគ្រឿង ហេតុការណ៍នេះបានកើតឡើងនៅវេលាម៉ោង១២យប់រំលងអធ្រាត្រថ្ងៃទី១៤ឈានចូលថ្ងៃទី១៥ ខែវិច្ឆិកា ឆ្នាំ២០១៧ នៅត្រង់ចំណុចចុះទួល ភូមិវង់ ឃុំប៉ូយ ស្រុកអូរជុំ ខេត្តរតនគិរី ។
ប្រភពពីកន្លែងកើតហេតុបានឲ្យដឹងថា មានម៉ូតូពីរគ្រឿង ជិះដឹកគ្នាស្របទិសពីជើងទៅត្បូងនិងមានម៉ូតូមួយគ្រឿងទៀត ជិះម្នាក់ឯងបញ្ច្រាស់ទិសក៏បុកយ៉ាងពេញទំហឹងបន្តគរលើគ្នាចំនួនបីគ្រឿង ។ ជនបង្កមិនទាន់ស្គាល់ឈ្មោះរងរបួសធ្ងន់ ឯជនរងគ្រោះស្លាប់នឹងកន្លែងកើតហេតុឈ្មោះស្រន តាវលឿ ភេទប្រុស អាយុ១៧ឆ្នាំ ជនជាតិគ្រឹង មានទីលំនៅភូមិតាង៉ាច ឃុំប៉ូយ ស្រុកអូរជុំ ខេត្តរតនគិរី មុខរបរកសិករ និងអ្នករួមដំណើរ២នាក់រងរបួសធ្ងន់ មិនទាន់ស្គាល់អត្តសញ្ញាណ ។ ជនងគ្រោះ២នាក់ទៀត មានស្រីម្នាក់ ជិះម៉ូតូមកបុកត្រួតពីក្រោយរងរបួសធ្ងន់ មិនទាន់ស្គាល់អត្តសញ្ញាណដែរ ។
សមត្ថកិច្ចបានអត្តរាគមន៍វាស់វែង និងប្រគល់សពឲ្យក្រុមគ្រួសារធ្វើបុណ្យតាមប្រពណីព្រមទាំងអ្នករបួសធ្ងន់ បានបញ្ជូនទៅសង្គ្រោះនៅមន្ទីរពេទ្យបង្អែកខេត្តភ្លាមៗ ។ រីឯម៉ូតូទាំងបីគ្រឿងយកទៅរក្សាទុកនៅប៉ុស្តិ៍រដ្ឋបាលឃុំប៉ូយធ្វើកំណត់ហេតុរង់ចាំដោះស្រាយតាមក្រោយ ៕
ចែករំលែកព័តមាននេះ