ជួបសំណេះសំណាលជាមួយបេក្ខជនប្រឡងជាប់ សញ្ញាបត្រមធ្យមសិក្សាទុតិយភូមិ
- ប៉ោយប៉ែត
ខេត្តប៉ៃលិន ៖ នៅរសៀលថ្ងៃទី១៣ ខែវិច្ឆិកា ឆ្នាំ២០១៧ លោក កើត សុធា អភិបាល នៃគណៈអភិបាលខេត្តប៉ៃលិន…
ខេត្តប៉ៃលិន ៖ នៅរសៀលថ្ងៃទី១៣ ខែវិច្ឆិកា ឆ្នាំ២០១៧ លោក កើត សុធា អភិបាល នៃគណៈអភិបាលខេត្តប៉ៃលិន…
ខេត្តប៉ៃលិន ៖ នៅរសៀលថ្ងៃទី១៣ ខែវិច្ឆិកា ឆ្នាំ២០១៧ លោក កើត សុធា អភិបាល នៃគណៈអភិបាលខេត្តប៉ៃលិន បានជួបសំណេះសំណាល និងផ្តល់រង្វាន់ដល់បេក្ខជនប្រឡងជាប់សញ្ញាបត្រមធ្យមសិក្សាទុតិយភូមិនិទេ្ទស A-B សម័យប្រឡង ថ្ងៃទី២១ សីហា ២០១៧ ។
លោក តង់ ធារ៉ា ប្រធានមន្ទីរអប់រំ យុវជន និងកីឡាខេត្ត បានថ្លែងអំណរគុណដល់លោកជំទាវ បាន ស្រីមុំ ប្រធានសហភាពសហព័ន្ធយុវជនកម្ពុជាខេត្ត ដែលបានជួយឧបត្ថម្ភសម្ភារ ថវិកា ក្នុងការបំប៉នសិស្សត្រៀមប្រឡងជាប់សញ្ញាបត្រមធ្យមសិក្សាទុតិយភូមិកន្លងមក ។
លោកបន្តថា សម័យប្រឡង ថ្ងៃទី២១ សីហា ឆ្នាំ២០១៧ នេះ ចែកចេញពីមណ្ឌលគឺ មណ្ឌលវិទ្យាសាស្ត្រ និងវិទ្យាសាស្ត្រសង្គម ដែលមានបេក្ខជន៣១៦នាក់ ស្រី១៦៩នាក់ បេក្ខជនប្រឡងជាប់និទ្ទេស A ម្នាក់ ឈ្មោះ ភូ ស្រីណេត ភេទស្រី, ចំនួនស្រី និទេ្ទស B ចំនួន៨នាក់ ស្រី៥នាក់ ទិទ្ទេស C ចំនួន១២នាក់ ស្រី៥នាក់ និទេ្ទស D ចំនួន១៨នាក់ ស្រី១១នាក់ និងនិទ្ទេស E ចំនួន១៥៩នាក់ ស្រី៨៥នាក់ សិស្សដែលប្រលងធ្លាក់មានចំនួន១១៨នាក់ ។
លោក កើត សុធា អភិបាល នៃគណៈអភិបាលខេត្តប៉ៃលិន បានមានប្រសាសន៍កោតសរសើរដល់ថ្នាក់ដឹកនាំ មន្ត្រីមន្ទីរអប់រំ លោកគ្រូ អ្នកគ្រូ ដែលបានខិតខំប្រឹងប្រែងអប់រំ បណ្តុះបណ្តាលដល់ក្មួយៗ ធ្វើឱ្យលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២១ សីហា ២០១៧ នេះទទួលបានលទ្ធផលល្អ ។
លោកបានលើកឡើងថា រាជរដ្ឋាភិបាលកម្ពុជា ក្រោមការដឹកនាំរបស់ សម្តេចតេជោ ហ៊ុន សែន ជានាយករដ្ឋមន្ត្រី បានដាក់ចេញគោលនយោបាយកែទម្រង់ស៊ីជម្រៅលើគ្រប់វិស័យ ក្នុងនោះវិស័យអប់រំគឺ សម្តេច បានយកចិត្តទុកដាក់វិនិយោគ និងកែទម្រង់លើការសិក្សាគ្រប់កម្រិតសំដៅជំរុញបណ្ដុះបណ្ដាលធនធានមនុស្សដល់កូនចៅជំនាន់ក្រោយប្រកបដោយគុណភាពសម្រាប់បន្តវេនដឹកនាំកសាងអភិវឌ្ឍប្រទេសជាតិយើង ឱ្យមានការរីកចម្រើនឡើង ។ ទន្ទឹមនេះ ភាពរីកចម្រើនលើវិស័យអប់រំនៅខេត្តប៉ៃលិន គឺដោយសារតែប្រទេសជាតិយើងមានសុខសន្តិភាពបានពេញលេញបរិបូណ៌ យើងមានសាលារៀនគ្រប់គ្រាន់ បានផ្តល់ឱកាសឲ្យក្មួយៗ ចូលរៀនសូត្រគ្រប់កម្រិត តែផ្ទុយទៅវិញ បើប្រទេសជាតិបានសង្គ្រាមដូចពីអតីតកាលនោះ យើងទាំងអស់គ្នាមិនអាចជួបជុំគ្នាបានឡើយ មិនបាច់និយាយដល់ការរៀនសូត្រទេ ។
លោកបានផ្តាំផ្ញើដល់ក្មួយៗ ដែលប្រឡងជាប់ ត្រូវបន្តខិតខំសិក្សារៀនសូត្រចាប់យកជំនាញទៅបន្តការសិក្សានៅថ្នាក់បរិញ្ញបត្រឲ្យទទួលបានជ័យលាភីបន្តទៀត ។ ព្រមជាមួយគ្នានេះក្មួយៗ រៀនថ្នាក់ទី១២ ត្រូវខិតខំរៀនសូត្រ ដើម្បីប្រឡងជាប់និទ្ទេសល្អ ហើយរាជរដ្ឋាភិបាលក៏ដូចជាថ្នាក់ដឹកនាំខេត្ត និងផ្តល់រង្វាន់លើកទឹកចិត្តដល់ក្មួយៗជាបន្តទៀត ។
លោក កើត សុធា ក៏ប្របានប្រគល់រង្វាន់លើកទឹកចិត្តដល់សិស្សនិទ្ទេស A ចំនួនម្នាក់ ម៉ូតូ Scoopy ១គ្រឿង កុំព្យូទ័រយួរដៃ១គ្រឿង, សិស្សនិទ្ទេស B ចំនួន៨នាក់ម្នាក់ៗ ថវិកា៥០ម៉ឺនរៀល និងសិស្សនុសិស្សចូលរួមចំនួន១១០នាក់ម្នាក់ៗ ថវិកា១ម៉ឺនរៀន និងសម្ភារសិក្សាផងដែរ ៕
ចែករំលែកព័តមាននេះ