រាជធានីភ្នំពេញ ៖ អំណោយជាគ្រឿងឧបភោគបរិភោគ និងថវិការបស់សម្តេចអគ្គមហាសេនាបតីតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ត្រូវបានគណៈអភិបាលខណ្ឌដង្កោដឹកនាំដោយលោកនុត ពុធដារ៉ា អភិបាលខណ្ឌដង្កោ នាំយកទៅចែកជូនដល់បងប្អូនប្រជាពលរដ្ឋក្រីក្រចំនួន១០គ្រួសារនៅក្នុងសង្កាត់ពងទឹក ដែលកំពុងជួបការលំបាកខ្វះខាត ។
ពិធីចែកអំណោយខាងលើប្រព្រឹត្តទៅកាលពីវេលាព្រឹកថ្ងៃទី២៦ តុលា ២០១២ នៅក្នុងភូមិឃ្លះសណ្តាយ សង្កាត់ពងទឹក ខណ្ឌដង្កោ ។ អំណោយយកទៅចែកជូននោះក្នុងមួយគ្រួសារទទួលបានអង្ករ២៥គីឡូក្រាម មី១កេស ទឹកត្រី១យួរ ទឹកស៊ីអីុវ១យួរ ធុងទឹកកក១ ឆ្នាំង១ ផ្តិល១ ស្ករស២កញ្ចប់ តែ៣កញ្ចប់ ទឹកដោះគោ៤កំប៉ុង ទឹកក្រូច១០កំប៉ុង និងថវិកា១០ម៉ឺនរៀល ។
លោកអភិបាលខណ្ឌដង្កោ បានថ្លែងថា អំណោយដែលនាំយកទៅចែកជូនដល់បងប្អូនប្រជាពលរដ្ឋនាពេលនេះ គឺជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចកាលសម្តេច និងលោកជំទាវតែងបានគិតគូរយ៉ាងខ្ពស់បំផុតចំពោះសុខទុក្ខរបស់បងប្អូនប្រជាពលរដ្ឋ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ