ខេត្តមណ្ឌលគិរី ៖ សេកចក្តីរាយការណ៍បានឲ្យដឹងថា ប្រជាការពារភូមិម្នាក់ បានរងរបួសយ៉ាងធ្ងន់ធ្ងរ ក្រោយត្រូវពស់មួយក្បាលចឹកចំជើងស្តាំ ខណៈកំពុងដើរក្នុងចម្ការចេក ។ ហេតុការណ៍នេះបានកើតឡើងនៅរសៀលថ្ងៃទី១៤ ខែវិច្ឆិកា ឆ្នាំ២០១៧ ក្នុងភូមិកោះម្យើល ឃុំណងឃីណឹក ស្រុកកោះញែក ។
ប្រធានប៉ុស្តិ៍នគរបាលណងឃីណឹង បានឲ្យដឹងថា ជនរងគ្រោះដែលត្រូវពស់ចឹកខាងលើ មានឈ្មោះ កែត គុ ភេទប្រុស អាយុ៤២ឆ្នាំ ជនជាតិព្នង និងជាប្រជាការពារភូមិ ។ លោកនាយប៉ុស្តិ៍បានបញ្ជាក់ថា ស្ថានភាពរបស់ជនរងគ្រោះមានសភាពធ្ងន់ធ្ងរ ក្រោយបញ្ជូនទៅសម្រាកព្យាបាលនៅពេទ្យស្រុកបានបន្តិច ក៏បញ្ជូនទៅសង្គ្រោះបន្តនៅមន្ទីរពេទ្យបង្អែកខេត្តមណ្ឌលគិរី ។
បើតាមអ្នកឃើញហេតុការណ៍ខាងលើ បាននិយាយថា បុរសប្រជាការពារភូមិ គឺត្រូវពស់ ពភ្លាក់ ចឹកដែលពស់នេះមានពិសខ្លាំងមិនចាញ់ពស់វែកនោះទេ ៕
ចែករំលែកព័តមាននេះ