រាជធានីភ្នំពេញ ៖ សេចក្តីរាយការណ៍ឱ្យដឹងថា ទើបតែមានការផ្អើល នារសៀលថ្ងៃទី១៤ វិច្ឆិកា នេះ បន្ទាប់ពីកម្លាំងសមត្ថកិច្ចជាច្រើននាក់ បានចុះទៅតាំងផ្ទះសំណាក់មួយកន្លែងយីហោ «មូន…
រាជធានីភ្នំពេញ ៖ សេចក្តីរាយការណ៍ឱ្យដឹងថា ទើបតែមានការផ្អើល នារសៀលថ្ងៃទី១៤ វិច្ឆិកា នេះ បន្ទាប់ពីកម្លាំងសមត្ថកិច្ចជាច្រើននាក់ បានចុះទៅតាំងផ្ទះសំណាក់មួយកន្លែងយីហោ «មូន មរកត» ស្ថិតតាមបណ្តោយផ្លូវលេខ១៩៨៦ ក្នងភូមថ្មី សង្កាត់ភ្នំពេញថ្មី ខណ្ឌសែនសុខ ដើម្បីចុះទៅពិនិត្យ និងស្រាវជ្រាវលើករណីដែលបុរសជនជាតិចិនម្នាក់បានដួលបោកក្បាលរងរបួសធ្ងន់ ក្រោយមកក៏បានស្លាប់នៅឯមន្ទីរពេទ្យព្រះកុសុមៈ ខណៈពេលនាំស្រីស្នេហ៍ទៅដេកក្នុងផ្ទះសំណាក់នោះបានប្រហែលកន្លះម៉ោង ។
សេចក្តីរាយការណ៍បន្តថា បុរសចិនដែលស្លាប់ខាងលើ ឈ្មោះ HEI HUFENG អាយុ៤២ឆ្នាំ ជានាយករងក្នុងសហគមន៍ «ហ៊ឺ ណាន» មានទីលំនៅក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
គួរបញ្ជាក់ថា កាលពីម៉ោង១០ និង៥០នាទីយប់ថ្ងៃទី១២ វិច្ឆិកា កន្លងមក គេឃើញបុរសជនជាតិចិនរូបនេះ បានបើករថយន្តម៉ាកស៊ីអវីមួយគ្រឿង ដោយមានដឹកស្រីស្នេហ៍ម្នាក់មកដេកនៅផ្ទះសំណាក់ក្នុងបន្ទប់លេខA05 ។ ប្រហែលបានត្រឹមកន្លះម៉ោងប៉ុណ្ណោះ ត្រូវនាងស្រីស្នេហ៍បានរត់ចេញពីបន្ទប់វិញ ស្រែកហៅគេជួយ ដោយនាងប្រាប់ថា បុរសនោះបានដួលក្បាលសន្លប់។ ពេលនោះ ក៏នាំគ្នាជួយគ្រាហ៍ បុរសចិននោះដាក់តាមម៉ូតូកង់៣ដឹកទៅសង្គ្រោះ តែអកុសលគាត់ក៏បានស្លាប់ ហើយក៏ដឹកសាកសពទៅតម្កល់ធ្វើបុណ្យនៅវត្តស្ទឹងមានជ័យ ។
លុះរសៀលថ្ងៃទី១៤ វិច្ឆិកា ដដែល ការស្លាប់របស់ជនជាតិ ត្រូវបានដឹងដល់សមត្ថកិច្ច រួម ទាំងស្ថានទូតចិន ទើបមានការចុះមកពិនិត្យនៅផ្ទះសំណាក់ «មូន មរកត» នោះតែម្តង ។
ចែករំលែកព័តមាននេះ